5 žniŭnia biełaruskim kidalnikam mołata Vadzimu Dzieviatoŭskamu i Ivanu Cichanu va ŭračystaj abstanoŭcy buduć viernutyja alimpijskija miedali Piekina-2008, ź jakimi spartsmieny byli vymušanyja raźvitacca na čas sudu ź Mižnarodnym alimpijskim kamitetam, jaki abvinavaciŭ atletaŭ u prymianieńni dopinhu. Mierapryjemstva projdzie ŭ staličnym spartyŭna-azdaraŭlenčym kompleksie "Alimpijski".
U červieni Vadzim Dzieviatoŭski i Ivan Cichan vyjhrali spravu, jakaja ciahnułasia ad žniŭnia 2008 hoda, kali spartsmienam byli abvieščanyja stanoŭčyja vyniki ich dopinh-probaŭ, uziatych na Alimpijadzie ŭ Piekinie. Ale atlety nie pahadzilisia z abvinavačvańniami i vyrašyli dakazać svaju nievinavataść.
Vierdykt Spartyŭnaha arbitražnaha suda (SAS) u Łazanie, dzie atlety asprečvali rašeńnie dyscyplinarnaj kamisii MAK ab pazbaŭleńni ich alimpijskich miedaloŭ, byŭ na karyść biełarusaŭ. Srebnaja ŭznaharoda Vadzima Dzieviatoŭskaha i bronza Ivana Cichana ŭ kidańni mołata zastalisia za našymi spartoŭcami.
Zhodna z rašeńniem arbitražnaha suda, jakoje vyjšła na 77 listach i apublikavanaje na aficyjnym sajcie SAS,
atletam taksama pavinny kampiensavać škodu ŭ pamiery 50 tys. jeŭra. Pry hetym, pa słovach Vadzima Dzieviatoŭskaha, vydatki na toje, kab davieści nievinavataść spartsmienaŭ, skłali kala paŭmiljonu dalaraŭ. Akramia taho, z-za abvinavačvańniaŭ u prymianieńni dopinhu atlety nie atrymali zasłužanych pryzavych hrošaj, była prypynienaja vypłata prezidenckich stypiendyj.NAK Biełarusi zapeŭniŭ, što ŭsie naležnyja hrošy atletam kampiensuje. Im taksama buduć pradastaŭlenyja kvatery, praduhledžanyja dla pryzioraŭ Alimpijady-2008. Dzieviatoŭski atrymaje $ 50 tys. pryzavych i dvuchpakajovuju kvateru, a Cichan -- $ 30 tys. i adnapakajoŭku.
-
17 krain vykazalisia suprać viartańnia chakiejnaj zbornaj Rasii na mižnarodnuju arenu. Tolki Biełaruś vystupiła za
-
Hulec moładzievaj zbornaj Biełarusi pa chakiei prademanstravaŭ svaje linhvistyčnyja zdolnaści. Jon viedaje piać moŭ VIDEA
-
Ułady Hiermanii zajavili pra «faktyčnuju niemahčymaść» praviadzieńnia ŭ siabie čempijanatu śvietu pa chakiei, kali ŭ im budzie ŭdzielničać Rasija
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2828
Kamientary