Biełaruś zacikaviła tolki adnaho ŭkrainskaha miljaniera

Biznes paŭdniovaj susiedki pradstaŭleny ŭ našaj krainie słaba.

Rasija, Polšča, Litva… Pradprymalniki kožnaj z susiednich krain razhladajuć Biełaruś nie tolki jak rynak zbytu svaich tavaraŭ. Heta jašče i patencyjnaje miesca dla raźmiaščeńnia vytvorčaści. Zdajecca, tak miarkujuć usie susiedzi, aproč ukraincaŭ.

Choć Ukraina zastajecca čaćviortym partnioram našaj krainy pa abjomach handlu, za minuły hod kolkaść inviestycyj u Biełaruś z paŭdniovaha boku ledź pieravysiła $2 miljony!

Na ŭsie šeść svabodnych ekanamičnych zonaŭ Biełarusi zarehistravana ŭsiaho try sumiesnyja ŭkrainska-biełaruskija pradpryjemstvy. U Minsku — kabielny zavod i meblevy cech. U Homieli ž u pačatku hoda zapracavała vytvorčaść miednaj katanki, u jakuju ŭkraincy hatovyja inviestavać 4,3 młn jeŭra.

Sumiesny biznes achvotniej raźmiaščajecca na terytoryi Ukrainy. Naprykład, u 2009 hodzie byli zarehistravanyja čatyry novyja pradpryjemstvy — i nivodnaje ź ich nie bazujecca ŭ našaj krainie. Statystyku zabiaśpiečvajuć kampanii nakštałt «Biełresursaŭ» i «Biełpradzabieśpiačeńnia», jakija pašyrajuć śfieru ŭpłyvu ŭ paŭnočnaj Ukrainie. Darečy, za ich košt ekspart biełaruskich tavaraŭ navat pieravyšaje impart.

Miž inšym, kirujučyja pasady ŭ sumiesnym prajekcie z ukraincami zafiksavanyja ŭ bijahrafii kandydata ŭ prezidenty ad Partyi BNF Ryhora Kastusiova. U 2002—2004 hh. jon byŭ dyrektaram mahiloŭskaj kampanii «Hidrasiła — Biełaja Ruś».

V.a. miljarderaŭ

Ukrainskija aliharchi Biełaruśsiu nie cikaviacca, i z hetym faktam možna źmirycca. Danbaskija mietalisty i stalavary zachoplenyja inšymi abjomami prybytku, čym možna atrymać z našych pradpryjemstvaŭ.

Adzinaje, što svaju daččynuju kampaniju maje «Ukrainskaja horna-mietałurhičnaja kampanija», jakoj vałodajuć troje miljarderaŭ — Vital Hajduk, Aleh Mkrtčan i Siarhiej Taruta.

Rola samaha aktyŭnaha ŭkrainca ŭ biełaruskim biznesie naležyć 37-hadovamu miljanieru Mikałaju Łahunu. Majučy va ŭłasnaści kala $90 miljonaŭ, u siabie na radzimie jon ledź-ledź traplaje ŭ lik 100 najbahaciejšych ludziej krainy, a voś u Biełarusi vałodaje šeraham raznastajnych kampanij.

U našu krainu jon pryjšoŭ u 2007 hodzie, kali kupiŭ za $680 tysiač «Atam-bank», jaki byŭ na miažy bankructva, i pierajmienavaŭ jaho ŭ «Delta». U nastupnym hodzie jahonyja intaresy pierajšli na strachavy rynak Biełarusi. Tady Łahun kupiŭ kampaniju «Bienir» — ciapier heta «Delta-strachavańnie». Jamu ž naležać i charčovyja ŭniviersamy ź sietki «Rodnaja staronka» («Rodnaja storona»), jakija pakul što achapili Minsk, Brest, Homiel, Lidu i Salihorsk.

Cihipka nie dajšoŭ da Biełarusi

Cikava, što svoj bank u Biełarusi chacieŭ zajmieć jašče adzin ukrainiec, Siarhiej Cihipka. Udzielnik prezidenckaj honki-2010, jaki zaniaŭ treciaje miesca na vybarach, dva hady tamu padavaŭ dakumienty na stvareńnie «T-Banka», ale nie davioŭ spravu da kanca.

Astatnija ŭkrainskija bahaciei źviazanyja ź Biełaruśsiu nie naŭprost. Naprykład, u 2008 hodzie češski čyhunačny pieravozčyk OKD vykupiŭ za $3,65 miljona zakansiervavanuju bazu Ministerstva abarony Biełarusi pad Brestam. U savieckija časy praź jaje prymalisia hruzy. Z tymi ž metami na jaje zakinutych placoŭkach stvorana kampanija «Biełterminał». Usia hrupa pradpryjemstvaŭ naležyć niderłandskamu hornamu chołdynhu, adnym z kiraŭnikoŭ jakoha źjaŭlajecca ŭkrainski miljarder Kanstancin Žyvaha.

Pierśpiektyvy

Ukrainskaja kampanija «PłazmaTek» užo ŭkłała bolš za $600 tysiač u raźvićcio Śvietłahorskaha zavoda zvaračnych elektrodaŭ.

U Homieli płanujecca stvaryć sumiesnaje pradpryjemstva pa vypusku vahonaŭ pavyšanaj kamfortnaści.

• 0
• 0
• 0
• 0
• 0
• 0
• 0
• 0