Aholenyja šviejcarki ŭ centry Minsku
U muziei sučasnaha mastactva adkryvajecca vystava šviejcarskaha fotamastaka P'jera-Viljama Anry «25 siekund».
U muziei sučasnaha vyjaŭlenčaha mastactva (Niezaležnaści, 47) adkryvajecca vystava pracaŭ šviejcarskaha fotamastaka P'jera-Viljama Anry «25 siekund».
Nie siadzicca P'jeru-Viljamu Anry ŭ svaim šviejcarskim haradku Kartajo. Niastomny padarožnik, čałaviek, jaki abjeździŭ usie krainy Afryki i ci nie ŭsie Amieryki, jon nie tolki ahladaje fotaabjektyvam vakolicy, ale pakazvaje tubylcam inšaje žyćcio. Jon demanstruje zdymki sibirakoŭ u marakanskaj viosačcy, a foty marakanskich viaskoŭcaŭ — hrenłandskim rybakam. Ciapier pryvioz šviejcarak biełarusam. Potym, źniaŭšy biełarusak, paviazie ich vyjavy ŭ Šviejcaryju.
«25 siekund» — niekalki dziasiatkaŭ fatahrafijaŭ u mastackim žanry niu, žanry, jaki vyjaŭlaje aholenuju naturu. P'jer-Viljam Anry vyjaviŭ na zdymkach žančyn u interjerach ich kvater.
— — Ja zdymaŭ zvyčajnych žančyn, jakija raniej nikoli nie paziravali, — kaža P'jer-Viljam Anry. — Majoj zadačaj było vyjavić charaktar kožnaj žančyny praź jaje vyhlad, pakazać jaje pryhažość.
Kali adkinuć usiu šumieču vakoł vystavy «25 siekund» — dyk pracy šviejcarca — vydatna zroblenaje mastackaje fota. Tut nie varta šukać niejkich asablivych sensaŭ. P'jer-Viljam Anry vykonvaje spradviečnuju zadaču mastactva — pryadčynić hledaču zaviesu čužoha žyćcia.
Vystava «25 siekund» praciahniecca da 25 vieraśnia.
Kamientary