Za 10 hadoŭ kolkaść nasielnictva Biełarusi źmienšyłasia na 541 tysiaču, abo 5,4%, śviedčać vyniki pierapisu 2009 hoda.Pra heta paviedamiła namieśnik staršyni Nacyjanalnaha statystyčnaha kamiteta Alena Kucharevič 8 vieraśnia na
Pavodle jaje słoŭ, na 14 kastryčnika 2009 hoda kolkaść nasielnictva krainy składała 9 młn. 504 tys. Siaredniaja ščylnaść nasielnictva skłała 46 čałaviek na 1 kv. kiłamietr. Dla paraŭnańnia, va Ukrainie — 76 čałaviek na 1 kv. km, u Litvie — 52, u Łatvii — 36, u Polščy — 122.
Jak adznačyła Kucharevič, za apošnija 10 hadoŭ skaračeńnie kolkaści nasielnictva było bolš značnym, čym za pieryjad pamiž pierapisami 1989 i 1999 hadoŭ. U papiaredniaje dziesiacihodździe nasielnictva źmienšyłasia na 107 tysiač, abo 1%.
Kolkaść nasielnictva z 1999 pa 2009 hady skaraciłasia va ŭsich abłaściach.Najbolš istotna — u Viciebskaj — na 146 tys. čałaviek, abo 10,6%, Minskaj — na 136 tys., abo 8,7%, Mahiloŭskaj — na 114 tys., abo 9,4%. Pry hetym nasielnictva Minska vyrasła na 156 tys. čałaviek, abo 9,3%, i skłała na momant pierapisu 1 młn. 837 tysiač.
Jak paviedamiła Kucharevič, asnoŭnaja pryčyna skaračeńnia kolkaści žycharoŭ Biełarusi — naturalnaja strata. Za apošnija 10 hadoŭ hety pakazčyk skłaŭ 476 tys. čałaviek, tady jak mihracyjny prytok — 84 tys. čałaviek. Akramia taho, vierahodnaj pryčynaj skaračeńnia nasielnictva moža taksama źjaŭlacca adtok ludziej na pracu za miažu, vykazała mierkavańnie śpiecyjalist. Pavodle jaje słoŭ, adjazdžajuć za miažu ŭ asnoŭnym ludzi ŭ pracazdolnym uzroście.
Dziaržava robić peŭnyja zachady pa palapšeńni demahrafičnaj situacyi, stvorana Nacyjanalnaja prahrama demahrafičnaj biaśpieki na 2006–2010 hady, adznačyła Kucharevič. Siońnia ŭ krainie nazirajecca rost naradžalnaści, adnak jon usio ž nie pieravyšaje śmiarotnaść.
-
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu
-
U adnoj ź viosak pad Minskam źjaviŭsia muziej darožnych znakaŭ. Ich tut niekalki, jość navat «piešachodny pierachod»
-
Litoŭskija pamiežniki zatrymali na miažy ź Biełaruśsiu 30 nielehałaŭ, jakija vyłazili z padkopu na miažy
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu5
Kamientary