За 10 гадоў колькасць насельніцтва Беларусі зменшылася на 541 тысячу, або 5,4%, сведчаць вынікі перапісу 2009 года.Пра гэта паведаміла намеснік старшыні Нацыянальнага статыстычнага камітэта Алена Кухарэвіч 8 верасня на
Паводле яе слоў, на 14 кастрычніка 2009 года колькасць насельніцтва краіны складала 9 млн. 504 тыс. Сярэдняя шчыльнасць насельніцтва склала 46 чалавек на 1 кв. кіламетр. Для параўнання, ва Украіне — 76 чалавек на 1 кв. км, у Літве — 52, у Латвіі — 36, у Польшчы — 122.
Як адзначыла Кухарэвіч, за апошнія 10 гадоў скарачэнне колькасці насельніцтва было больш значным, чым за перыяд паміж перапісамі 1989 і 1999 гадоў. У папярэдняе дзесяцігоддзе насельніцтва зменшылася на 107 тысяч, або 1%.
Колькасць насельніцтва з 1999 па 2009 гады скарацілася ва ўсіх абласцях.Найбольш істотна — у Віцебскай — на 146 тыс. чалавек, або 10,6%, Мінскай — на 136 тыс., або 8,7%, Магілёўскай — на 114 тыс., або 9,4%. Пры гэтым насельніцтва Мінска вырасла на 156 тыс. чалавек, або 9,3%, і склала на момант перапісу 1 млн. 837 тысяч.
Як паведаміла Кухарэвіч, асноўная прычына скарачэння колькасці жыхароў Беларусі — натуральная страта. За апошнія 10 гадоў гэты паказчык склаў 476 тыс. чалавек, тады як міграцыйны прыток — 84 тыс. чалавек. Акрамя таго, верагоднай прычынай скарачэння насельніцтва можа таксама з’яўляцца адток людзей на працу за мяжу, выказала меркаванне спецыяліст. Паводле яе слоў, ад’язджаюць за мяжу ў асноўным людзі ў працаздольным узросце.
Дзяржава робіць пэўныя захады па паляпшэнні дэмаграфічнай сітуацыі, створана Нацыянальная праграма дэмаграфічнай бяспекі на 2006–2010 гады, адзначыла Кухарэвіч. Сёння ў краіне назіраецца рост нараджальнасці, аднак ён усё ж не перавышае смяротнасць.
-
Ніводнага мінскага, гомельскага, італьянскага ці французскага. Затое ў Магілёве будуюць ужо чацвёрты расійскі дворык, гэтым разам — з мядзведзем
-
У мінскія крамы завезлі экзатычныя плады з Калумбіі
-
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі58
Каментары