Ažubalis nie sustreŭsia ni z kim z «Havary praŭdu»
Ministr zamiežnych spravaŭ Litvy Aŭdronius Ažubalis 8 vieraśnia sustreŭsia z pradstaŭnikami biełaruskich demakratyčnych sił.
Jak paviedamiŭ sustaršynia arhkamiteta pa stvareńni partyi «Biełaruskaja chryścijanskaja demakratyja» (BCHD) Pavieł Sieviaryniec, ministr pačaŭ ź vinšavańniaŭ z Dniom pieramohi pad Oršaj. «Litva pierajmaje staršynstva ŭ ABSIE, i spadar Ažubalis cikaviŭsia abstanoŭkaj pierad palityčnaj kampanijaj 2010–2011 hadoŭ, pierśpiektyvami demakratyčnaha ruchu, pytańniami sankcyj suprać vyšejšych biełaruskich čynoŭnikaŭ i pytańniami rehistracyi BCHD», — paviedamiŭ Sieviaryniec.
Jon taksama zaŭvažyŭ, što pieršaj umovaj pieramoŭ z boku jeŭrapiejcaŭ nakont źniaćcia vizavych sankcyj u dačynieńni da biełaruskich vyšejšych čynoŭnikaŭ musić być vyzvaleńnie palityčnych viaźniaŭ i demakratyčnyja źmieny. «My ličym, što Rasija moža asłabić Łukašenku, ale nie moža adyhrać stanoŭčaj roli ŭ demakratyzacyi Biełarusi» — skazaŭ Sieviaryniec.
Jak paviedamiŭ jašče adzin udzielnik sustrečy, lidar Partyi BNF Alaksiej Janukievič, ahulnaja pazicyja pradstaŭnikoŭ demsił «palahała na tym, kab Jeŭropa rabiła kroki nasustrač Biełarusi, kali Biełaruś spačatku zrobić kroki nasustrač Jeŭropie». «Pa vialikim rachunku, niahledziačy na toje što Łukašenka zaraz znachodzicca ŭ składanaj situacyi, nie vyhladaje na toje, što jon zrobić realnyja kroki dla libieralizacyi», — zajaviŭ Janukievič.
U sustrečy brali ŭdzieł taksama Andrej Sańnikaŭ i Alaksandr Milinkievič. Sańnikaŭ padziakavaŭ litoŭskamu boku za zajavu pa spravie hibieli Aleha Biabienina.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary