16 kastryčnika Dzień salidarnaści adznačali pa ŭsioj krainie
Nie abyšłosia i biez zatrymańniaŭ.
U roznych haradach Biełarusi maładyja ludzi byli zatrymanyja specnazam.
U Homieli supracoŭniki Centralnaha rajadździełu milicyi prajavili pavyšanuju ŭvahu da «padazronych elementaŭ», što sabralisia la pomnika Kiryłu Turaŭskamu. Jak paviedamlaje «Radyjo Svaboda», «vartaŭniki paradku» zatrymali kala 15 čałaviek «dla vyśviatleńnia asoby».
Piaciora aktyvistaŭ demakratyčnaha ruchu – Illa j Ivan Šyły, Alaksiej Vałabujeŭ, Dzianis Karnoŭ i Alina Taranik – pa toj ža začepcy byli schoplenyja ŭ Salihorsku. Tam niekalki dziasiatkaŭ čałaviek sabralisia na centralnaj płoščy horadu.
A ŭ Miensku, akazvajecca, da parušeńnia zakonu pryraŭnoŭvajecca zapalvańnie śviečak u miescy masavaj hibieli ludziej – la pamiatnaha znaku la ŭvachodu na stancyju metro «Niamiha». Tam specnaz zatrymaŭ kala 10 čałaviek.
Aproč taho, jak paviedamlaje «Chartyja-97», kala padjezdu svajho domu była zatrymanaja moładzievaja aktyvistka Anastasija Pałaženka. Niepaŭnaletniuju dziaŭčynu schapili supracoŭniki milicyi, jakija dziažuryli pobač u aŭtamabili. Pry zatrymańni jany ŭžyli fizyčnuju siłu – dziaŭčynie vyviernuli ruki, a taksama raźbili mabilny telefon. U Pieršamajskim RAUSie ad Anastasii Pałaženki patrabavali saznacca ŭ vyviešvańni ŭ centry Miensku raściažki «Svabodu Źmitru Daškieviču!». Praź dźvie hadziny dziaŭčyna była vyzvalenaja biez składańnia pratakołu.
Adnosna spakojna Dzień salidarnaści prajšoŭ u Mahiloŭskaj vobłaści. U Babrujsku kala kaplicy pobač z mohiłkami aktyvisty hramadzkaha ruchu zapalili śviečki. A ŭ samim abłasnym centry, jak paviedamlaje «Radyjo Svaboda», prajšło adrazu niekalki akcyj. Hrupa aktyvistaŭ z partretami palitviaźniaŭ i źnikłych palitykaŭ u rukach u supravadžeńni milicyjantaŭ niekalki razoŭ prajšła pa piešachodnaj vulicy Leninskaj. Tym časam siabry niezarehistravanaj arhanizacyi «Małady front» pakinuli patrety svaich aryštavanych paplečnikaŭ kala pomnika Leninu. A ŭviečary apazycyjanery raskidali z dachaŭ damoŭ ulotki, tradycyjna zapalili śviečki pamiaci i vyviesili bieł-čyrvona-bieły ściah pierad budynkam abłasnoha KDB.
-
«Univiersitet praciahvaje svaju dziejnaść». EHU prakamientavaŭ abviaščeńnie siabie ŭładami Biełarusi «ekstremisckaj arhanizacyjaj»
-
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada
-
U hetym hodzie da Dnia Pieramohi ŭ Hrodnie buduć farsiravać Nioman
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada15
Kamientary