Centralny Kamitet Biełaruskaj partyi levych «Spraviadlivy śviet» źviarnuŭsia ŭ CVK z patrabavańniem admianić rehistracyju inicyjatyŭnaj hrupy Alaksandra Łukašenki.
Takoje rašeńnie kamunisty pryniali ŭ suviazi z tym, što, na ich dumku, byŭ parušany art. 61 Vybarčaha kodeksa Respubliki Biełaruś, u adpaviednaści ź jakim śpis inicyjatyŭnaj hrupy ŭ Centravybarkam pretendent pavinien padavać asabista. Adnak, jak vynikaje z paviedamleńniaŭ ŚMI, paćvierdžanych asabista staršynioj Centralnaj kamisii Lidzijaj Jarmošynaj, dakumienty ab rehistracyi inicyjatyŭnaj hrupy Alaksandra Łukašenki padavaŭ nie asabista, a Alaksandr Radźkoŭ, jaki pryznačany kiraŭnikom hrupy pa zbory podpisaŭ, paviedamlaje udf.by.
Adhavorki i adsyłki Centralnaj kamisii na praktyku praviadzieńnia vybaraŭ u Saviety, na dumku levych, nie karektnyja, bo prezidenckija vybary pravodziacca pa inšych zakanadaŭčych normach.
Tym samym, zarehistravaŭšy hrupu Łukašenki, ličyć Partyja «Spraviadlivy śviet», Centralnaja kamisija hruba parušyła patrabavańni art. 61 Vybarčaha kodeksa i pastaviła jaho «u vyklučnaje stanovišča ŭ paraŭnańni ź inšymi asobami, jakija majuć namier vyłučycca kandydatami ŭ Prezidenty Respubliki Biełaruś».
«U suviazi z tym, što pry rehistracyi inicyjatyŭnaj hrupy
Akramia lista ŭ CVK, zajava za podpisam staršyni partyi Siarhieja Kalakina adpraŭlenaja ŭ Hienieralnuju prakuraturu Respubliki Biełaruś dla reahavańnia.
«Na siońniašni momant hrupa hramadzianina Łukašenki nie maje zakonnaha prava źbirać podpisy vybarščykaŭ», — pierakanany Siarhiej Kalakin.
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary