Tempieratura pavietra ŭ vieraśni adpaviadała klimatyčnaj normie i skłała plus 11,9 hradusa,
paviedamiła načalnik adździeła klimatu Respublikanskaha hidramieteacentra Alena Kamaroŭskaja.
U kastryčniku siaredniamiesiačnaja tempieratura čakajecca kala normy (plus 5–8 hradusaŭ). Kolkaść apadkaŭ miarkujecca na ŭzroŭni siarednich šmathadovych značeńniaŭ — 40–60 mm, za vyklučeńniem paŭdniovaha zachadu krainy, dzie ich vypadzie krychu bolš. Pačatak i bolšuju častku pieršaj pałovy miesiaca nadvorje ŭ Biełarusi stanie vyznačać antycykłon, jaki raściahniecca ad Polščy da Urała i ad Barancava da Čornaha moraŭ, tamu budzie stajać suchoje, ale chaładnavataje nadvorje.
Siaredniasutačnaja tempieratura pavietra budzie na 5–6 hradusaŭ nižejšaja za normu.
Taki charaktar nadvorja zvyčajna charakterny dla treciaj dekady kastryčnika. Unačy na bolšaj častcy terytoryi krainy prahnazujucca zamarazki ad nula da minus 5 hradusaŭ, miescami čakajecca ad plus 1 da plus 3 hradusaŭ. Tempieratura pavietra ŭ dzionnyja hadziny składzie 8–13 hradusaŭ ciapła.
Bližej da siaredziny miesiaca hety antycykłon budzie razburacca i adkryje dostup atłantyčnym cykłonam. Tamu źjavicca vobłačnaść, stanie pachmurna. Časami buduć prachodzić daždžy.
Pry pastupleńni bolš chaładnavataha pavietra z zachadu ŭ načnyja i ranišnija hadziny jość vierahodnaść taho, što ŭ siaredzinie kastryčnika my ŭbačym pieršyja śniažynki.
U kancy kastryčnika ŭnačy tempieratura pavietra składzie 2–8 hradusaŭ ciapła, a pry pastupleńni chałodnaha pavietra ŭ paŭnočnyja rehijony jana budzie vahacca ad minus 3 hradusaŭ pa poŭnačy da plus 6 hradusaŭ pa poŭdni krainy. Udzień tempieratura pavietra składzie 7–12 hradusaŭ ciapła.
Ciapier čytajuć
Łukašenka paraiŭ uźbiekam šukać vialikija hrošy ŭ Rasii10
Łukašenka paraiŭ uźbiekam šukać vialikija hrošy ŭ Rasii
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary