Minzdaroŭja: Na farmrynku Biełarusi niama falsifikavanych lekavych srodkaŭ
Na farmrynku Biełarusi niama falsifikavanych lekavych srodkaŭ, zajaviła načalnik upraŭleńnia farmaceŭtyčnaj inśpiekcyi i arhanizacyi lekavaha zabieśpiačeńnia Ministerstva achovy zdaroŭja Ludmiła Ravuckaja 12 kastryčnika napres-kanfierencyi ŭ Minsku.
«U nas absalutna vyklučana situacyja dopusku niajakasnaj pradukcyi, tamu što ŭsie lekavyja srodki, jakija zarehistravany ŭ krainie, abaviazkova prachodziać kantrol jakaści dla dopusku na rynak», — skazała jana.
Pavodle słoŭ śpiecyjalista, preparaty pastupajuć pa pramych kantraktach ad vytvorcaŭ abo ich aficyjnych dystrybjutaraŭ, a da pastupleńnia ŭ aptečnuju sietku prachodziać kantrol jakaści ŭ akredytavanych Ministerstvam achovy zdaroŭja łabaratoryjach. Tut taksama pravodzicca poŭny kompleks vyprabavańniaŭ. Pravierka lekaŭ viadziecca na stadyi rehistracyi i pry pastupleńni na rynak.
Jak paviedamiła Ravuckaja, sioleta było pravierana bolš za 70 tysiač partyj lekavych srodkaŭ. Pryniata 105 rašeńniaŭ ab kanfiskacyi miedykamientaŭ, u asnoŭnym na stadyi dopusku da rynku. Ź ich 10 adnosilisia da pradukcyi rasijskich vytvorcaŭ, 12 — ukrainskich, 13 — biełaruskich. Ravuckaja adznačyła, što ŭ absalutnych ličbach pakazčyk kanfiskacyi biełaruskaj pradukcyi vyšejšy, tamu što značnaja jaje častka na farmrynku: u dziaržaŭnaj aptečnaj sietcy ajčynnyja lekavyja srodki zajmajuć da 30% pradukcyi.
Adkazvajučy na pytańnie, ci nie budzie biełaruski farmrynak adčuvać niebiaśpieku praniknieńnia falsifikavanych lekaŭ z Rasii ŭ suviazi z uvachodžańniem Biełarusi ŭ Mytny sajuz, Ravuckaja padkreśliła, što ab uzajemnym pryznańni rehistracyi pakul havorka nie idzie.
«Uvachodžańnie ŭ Mytny sajuz, — skazała jana, — nie aznačaje aŭtamatyčnaha pryznańnia zarehistravanych u Rasii ci Kazachstanie lekavych srodkaŭ». Zaraz u kožnaj z krain — členaŭ Mytnaha sajuza dziejničaje ŭłasnaja sistema rehistracyi i kantrolu jakaści miedpreparataŭ. «My budziem imknucca da taho, kab u nas była adzinaja sistema rehistracyi lekaŭ pa anałohii z krainami ES», — zajaviła Ravuckaja.
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary