Pa raspaŭsiudzie kureńnia siarod 15-hadovych Biełaruś — u lidarach u Jeŭropie

Źniešnija pryčyny (traŭmy, atručeńni, suicydy i h.d.) składajuć treciuju častku ŭ struktury dziciačaj śmiarotnaści.

Pavodle słoŭ Niaviery, źniešnija pryčyny zajmajuć pieršaje miesca ŭ struktury dziciačaj śmiarotnaści, tady jak roznyja zachvorvańni «adyšli na apošnija miescy». Jana zaŭvažyła, što siarod źniešnich pryčyn vyłučajucca samazabojstvy. U Biełarusi za vosiem miesiacaŭ hetaha hoda adbylisia 22 suicydy dziaciej da 17 hadoŭ. «Situacyja stabilizavałasia, — skazała śpiecyjalist, —

ale pakazčyk dziciačaha suicydu — 21,1 na 100 tys. nasielnictva — niekalki vyšejšy, čym byŭ letaś».

U Rasii samazabojstvy składajuć 30% u struktury śmiarotnaści dziaciej ad źniešnich pryčyn, u Biełarusi — 8–10%.

Kažučy pra dziciačyja zachvorvańni, Niaviera paviedamiła, što 65% u jaje struktury zajmajuć chvaroby orhanaŭ dychańnia, na druhoje miesca vyjšli chvaroby vačej, na treciaje — zachvorvańni orhanaŭ stravavańnia, na čaćviortaje — traŭmy i atručeńni. Śpiecyjalist zaznačyła, što pa raspaŭsiudžańni kureńnia siarod 15-hadovych padletkaŭ Biełaruś znachodzicca ŭ lidarach u Jeŭropie. Pavodle jaje słoŭ, u Biełarusi źnižajecca zachvorvańnie na vakcynakiravanyja infiekcyi (adzior, kokluš, polijamielit, krasnucha i inš.), «śmiarotnaść ad ich praktyčna źnikła». Kancepcyja imunaprafiłaktyki na 2011–2015 hady praduhledžvaje pašyreńnie kalendara pryščepak.

Jak paviedamiła Niaviera, pakazčyk niemaŭlackaj śmiarotnaści za vosiem miesiacaŭ hetaha hoda skłaŭ 4,1 pramile (adzin vypadak na tysiaču žyvanarodžanych), pakazčyk dziciačaj śmiarotnaści da piaci hadoŭ — 5,4 pramile. «Hetyja pakazčyki znachodziacca na ŭzroŭni ekanamična raźvitych krain śvietu», — zaznačyła jana. Vyžyvalnaść dziaciej z nadzvyčaj nizkaj masaj cieła (da 1.000 h) u Biełarusi składaje 76%.

Pavodle słoŭ śpiecyjalista, «achova maciarynstva i dziacinstva źjaŭlajecca pryjarytetnaj śfieraj u sistemie achovy zdaroŭja, pra što śviedčyć ustojlivaje finansavańnie haliny, realizacyja ŭsich dziaržaŭnych prahram u hetaj śfiery, pastajannaje pavyšeńnie kvalifikacyi kadraŭ». Isnaja prahrama «Dzieci Biełarusi» i prajekt hetaj prahramy na 2011–2015 hady taksama robiać akcent na raźvićci dziciačaj achovy zdaroŭja.

• 0
• 0
• 0
• 0
• 0
• 0