«Ramančuk nikoli nie pracavaŭ u orhanach dziaržkiravańnia i nie maje bazavaj ekanamičnaj adukacyi».
Adkazvajučy na pytańni žurnalistaŭ 20 kastryčnika na pres‑kanfierencyi ŭ Minsku, namieśnik ministra ekanomiki Andrej Tur raspavioŭ pra svajo staŭleńnie da prajekta ekanamičnaj prahramy pretendenta na pasadu prezidenta Jarasłava Ramančuka.
U pryvatnaści Tur zaznačyŭ, što znajomy tolki z asobnymi pałažeńniami prahramy, ale hetaha chapiła, kab zrazumieć, što jana, «jak i lubaja prahrama, maje jak pazityŭnyja momanty, hetak i niedachopy».
Mnohija prapanovy Ramančuka zakładzieny i ŭ prajekt prahramy sacyjalna‑ekanamičnaha raźvićcia da 2015 hoda, zaznačyŭ Tur.
«Ramančuk źjaŭlajecca prychilnikam vyklučna libieralnaha typu ekanomiki. Jon uznačalvaje Centr Miziesa, a Mizies — čałaviek ź plejady archiniealibierałaŭ, u jakich dziaržava nie prysutničaje praktyčna nidzie, jana źjaŭlajecca tormazam i pieraškadžaje raźvićciu ekanomiki», — zajaviŭ ministr.
Pavodle słoŭ Tura, prajekt zakona ab dziaržaŭna‑pryvatnym partniorstvie, što raspracoŭvajecca ŭ Biełarusi, pavinien pakazać, dzie moža i pavinna prysutničać dziaržava, a dzie — biźnies.
Namieśnik kiraŭnika Minekanomiki miarkuje, što rola dziaržavy pavinna skaračacca tam, dzie jość udałyja ŭmovy raźvićcia, i pavialičvacca pry ŭźniknieńni ciažkaściaŭ. «A ciažkaści źjaŭlajucca zaŭsiody», — padkreśliŭ jon.
Dziaržava ŭkazvaje na śfiery dla paśpiachovaj inviestycyjnaj dziejnaści, jana budzie adzinym surjoznym harantam i pravadnikom palityki ŭ farmiravańni Mytnaha sajuza i AEP, źviarnuŭ uvahu Tur.
«Usie niealibieralnyja prahramy nosiać ekstremiscki charaktar, jaki prajaŭlajecca ŭ tym, što asobnyja pałažeńni viaduć da vyklučeńnia abo supiarečnaści adno da adnaho», — zajaviŭ čynoŭnik.
Jon pryvioŭ prykład z prahramy Ramančuka, dzie niemahčyma adnačasova skaracić značnuju dolu padatkaabkładańnia abo sacyjalnaha padatku i pavysić piensii.
«Ramančuk nikoli nie pracavaŭ u orhanach dziaržkiravańnia i nie maje bazavaj ekanamičnaj adukacyi. Heta nie aznačaje, što jon nie moža raźbiracca ŭ ekanomicy. U jaho nie było mahčymaści paŭdzielničać u vypracoŭcy sapraŭdnych rašeńniaŭ, i ŭ hetaj častcy prahrama vielmi ekstremisckaja», — zaklučyŭ Tur.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm16
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary