Biełarusaŭ aryštavali ŭ Hruzii za niezakonnaje znachodžańnie ŭ Abchazii
Hramadzianie Biełarusi, muž i žonka Siamion i Iryna Dziačok z Bresta, aryštavany hruzinskaj palicyjaj za «niezakonnaje znachodžańnie na akupiravanaj Rasijaj terytoryi Abchazii».
Hramadzianie Biełarusi, muž i žonka Siamion i Iryna Dziačok z Bresta, aryštavany hruzinskaj palicyjaj za «niezakonnaje znachodžańnie na akupiravanaj Rasijaj terytoryi Abchazii». Ab hetym paviedamiŭ siabar siamji Dźmitryj Dardziuk.
Pavodle jaho słoŭ, jašče letam Siamion i Iryna nakiroŭvalisia aŭtastopam u Afryku i jašče letam vyjechali ź Biełarusi ŭ Rasiju. Ich aryštavali pry sprobie trapić z Abchazii ŭ Hruziju. «Z 2 kastryčnika jany znachodziacca ŭ hruzinskaj turmie», — skazaŭ Dardziuk. Jon taksama paviedamiŭ, što ab situacyi prainfarmavana biełaruskaje dyppradstaŭnictva ŭ Hruzii.
Nahadajem, padobny incydent mieŭ miesca letam 2009 hoda, kali hramadzianka Biełarusi praviała ŭ hruzinskaj turmie kala 50 dzion za niezakonnaje znachodžańnie na terytoryi Hruzii.Zhodna z hruzinskim zakanadaŭstvam, takoje pravaparušeńnie karajecca turemnym źniavoleńniem terminam ad troch da piaci hadoŭ abo štrafam ad 3 da 5 tysiač dołaraŭ.
Vyzvalić žančynu tady ŭdałosia tolki paśla ŭmiašańnia dypłamataŭ, a nieŭzabavie paśla incydentu MZS Biełarusi «nastojliva rekamiendavaŭ» biełarusam uličvać pałažeńni hruzinskaha zakanadaŭstva pry płanavańni pajezdak u Abchaziju i Paŭdniovuju Asieciju.
«Ujezd inšaziemcaŭ u Abchaziju i Paŭdniovuju Asieciju dapuskajecca vyklučna z napramkaŭ Zuhdzickaha i Haryjskaha municypalitetaŭ. Praniknieńnie ŭ Abchaziju i Paŭdniovuju Asieciju z usich inšych napramkaŭ bieź śpiecyjalnaha dazvołu hruzinskich uład zabaraniajecca i karajecca ŭ adpaviednaści z Kryminalnym kodeksam Hruzii», — adznačałasia ŭ paviedamleńni pres‑słužby MZS.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary