Rymašeŭski ŭ žyvym efiry parvaŭ partrety Stalina i Hitlera
Siezon vystupaŭ kandydataŭ na Biełaruskim telebačańni adkryŭ sustaršynia Biełaruskaj chryścijanskaj demakratyi Vital Rymašeŭski.
Siezon vystupaŭ kandydataŭ na Biełaruskim telebačańni adkryŭ sustaršynia Biełaruskaj chryścijanskaj demakratyi Vital Rymašeŭski.Pieršaje, što kinułasia ŭ vočy, dyk heta toje, što kandydata pasadzili ŭ kut ekrana i nie rastłumačyli jamu, kudy hladzieć.
Havaryŭ Rymašeŭski ŭpeŭniena i dziorzka.
Pieršaja častka vystupu była pryśviečana tamu, što ŭ Biełarusi kiepska. «Abirali prezidenta, a abrali cara, jaki turbujecca tolki pra svaich synoŭ i jak nabić kišeni čynoŭnikam», — adna z zapaminalnych fraz vystupu.
Razmova była pra vializnuju karupcyju, pra rost cenaŭ i maleńkija zarobki, niajakasnuju miedycynu, vialikuju kolkaść samazabojstvaŭ i abortaŭ, słabuju dapamohu maciarkam pa dahladzie dziaciej.
Uspomniŭ Vital Rymašeŭski pra trahičnuju śmierć jahonaj davieranaj asoby prafiesara Ivana Nikitčanki. Jon zapatrabavaŭ niezaležnaha rasśledavańnia hetaha zdareńnia.
Nie praminuŭ mahčymaści kandydat jašče raz nahadać pra los źnikłych palitykaŭ. Pra palitviaźnia Mikałaja Aŭtuchoviča.
Potym jon dastaŭ partret Hitlera sa Stalinam i nahadaŭ pra los dyktataraŭ. Sa słovami «Chopić dyktatury», jon razarvaŭ hety płakat.
Rymašeŭski zaklikaŭ ludziej prychodzić na akcyi 24 listapada i 19 śniežnia, kab patrabavać spraviadlivych vybaraŭ.
Što ž abiacaje Rymašeŭski?
1. Pradpryjemstvami pavinny kiravać prafiesijanały, a nie prosta ludzi, łajalnyja da ŭłady.
2. Bolš jakasnuju miedycynu.
3. Vysokija piensii za košt adličeńnia na karyść piensijnaha fondu 20% akcyj bujnych biełaruskich pradpryjemstvaŭ.
4. Sacyjalna‑aryjentavanuju rynkavuju ekanomiku.
5. Svabodu biznesu.
6. Admienu pošlin na zamiežnyja aŭtamabili.7. Hodnyja zarobki. Admienu kantraktnaj sistemy.
8. Pavieličeńnie zamiežnych inviestycyj.
9. Uviadzieńnie samakiravańnia.
10. Administracyjna‑terytaryjalnuju reformu (23 vobłaści).
11. Źmienšyć ceny na žyllo.
12. Biaspłatnuju adukacyju. Admienu abaviazkovaha raźmierkavańnia.
13. Milicyja pavinna vykonvać tolki svaje pramyja prafiesijnyja abaviazki.
14. Admiena abaviazkovaj vajskovaj słužby. Prafiesijnaje vojska. Zarobki aficeraŭ nie mienšyja, čym u śpiecsłužbach.
15. Vybudoŭvańnie roŭnyja stasunkaŭ z Rasijaj i Jeŭropaj. Admiena vizavaha režymu ź Jeŭrasajuzam.
Rymašeŭski vystupaŭ pa-biełarusku, ale častku pramovy pra biełaruskuju movu zrabiŭ pa‑rasijsku. Rymašeŭski padkreślivaŭ važnaść padtrymki biełaruskaj kultury, ale paabiacaŭ, što nikoha prymušać havaryć pa‑biełarusku nie budzie.
Taksama šmat uvahi było nadzielena prablemie svabody vieravyznańniaŭ. Rymašeŭski ŭspomniŭ historyju pra klaštar u centr Minsku, jaki chočuć pierabudavać u «hatel i bardel».
Prahramnaj častcy vystupu brakavała kankretyki. Jana poŭniłasia tradycyjnymi łozunhami i abiacańniami apazicyi.
Nieardynarnaj vyhladała chiba što dumka nakont piensijnych fondaŭ. Kandydat ad BCHD prapanuje adličyć u rachunak piensijnaha fondu 20% akcyj bujnych biełaruskich pradpryjemstvaŭ.
Vystup skončyŭsia na niekalki chvilin raniej času.Apošnimi słovami byli: «Žyvie Biełaruś! Žyvie z Boham!»
Kamientary