Pra heta sustaršynia BCHD zajaviŭ padčas zvarotu pa radyjo.
«BCHD zbuduje ŭ Biełarusi sapraŭdnuju jeŭrapiejskuju ekanomiku, zasnavanuju na pracajomistaj vytvorčaści, tranzicie, servisie, infarmacyjnych technałohijach, biźniesie»,
— zajaviŭ kandydat u prezidenty sustaršynia arhkamiteta pa stvareńni partyi «Biełaruskaja chryścijanskaja demakratyja» (BCHD) Vital Rymašeŭski ŭ pramym efiry pieršaha kanała Biełaruskaha radyjo ranicaj 24 listapada.
Jon adznačyŭ, što
apošnija hady ŭłada «zajmałasia tolki tym, što dušyła tych ludziej, katoryja chočuć zarablać hrošy».
«Nie dajuć navat pradavać haziety piensijanieram, jakija stajać u pierachodach mietro.
Padatkovaja inśpiekcyja dziejničaje jak represiŭnaja mašyna. My heta spynim», — paabiacaŭ Rymašeŭski.
Padčas vystupleńnia pa radyjo jon ŭ asnoŭnym paŭtaryŭ svoj zvarot da vybarščykaŭ pa telebačańni 22 listapada. Jon bolš padrabiazna spyniŭsia na niekatorych temach, skaraciŭ druhija i ŭnios stylistyčnyja praŭki ŭ trecija. U pryvatnaści, Rymašeŭski nie staŭ kazać pra administracyjnuju reformu (pavieličeńnie kolkaści abłaściej s šaści da 23).
«Usiu moc dziaržavy nakirujem na padtrymku siam`i,
— paabiacaŭ Rymašeŭski. — Dapamoha pa nahladzie za dziciem budzie ŭ pamiery siaredniaha zarobku na kožnaje dzicia da piaci hod i pałovy siaredniaha zarobku na dzicia da dziesiaci hod. Tolki tak možna spynić vymirańnie biełarusaŭ».
Budzie skasavana prymusovaje raźmierkavańnie studentaŭ, «jakich časta nakiroŭvajuć pracavać u čarnobylskija zony, — maładych ludziej, jakim treba budzie zavodzić siem`i, naradžać dziaciej».
«Siońniašniaja ŭłada trucić prosta, zabivaje», — ličyć kandydat.
«My stvorym svabodnyja prafsajuzy, dadzim mahčymaść kantralavać, kudy iduć zaroblenyja hrošy. U Biełarusi zastałosia tolki niekalki pradpryjemstvaŭ, dzie hetyja svabodnyja prafsajuzy jość. Jak pakazvaje praktyka, na tych pradpryjemstvach u
Rymašeŭski raskrytykavaŭ pienitencyjarnuju sistemu:
«Siońnia ŭ turmu sadziać ludziej za drobnyja parušeńni zakonu, a tyja, chto kraduć miljony, na svabodzie.
Sistema pakarańnia nie vypraŭlaje ludziej, a robić ź ich bandytaŭ. Ułada robić amnistyju pierad vybarami, a potym znoŭ hetych usich ludziej sadzić na „zonu“, dzie i tam ludziej abkradajuć, nie dajuć im čałaviečych umoŭ dla žyćcia». «Turma pavinna vypraŭlać čałavieka, a nie kalečyć, jak siońnia», — zajaviŭ kandydat.
Paŭtaryŭšy, što abaviazkovaja słužba ŭ vojsku budzie zamieniena zborami da šaści miesiacaŭ, Rymašeŭski paabiacaŭ, što kožny, chto pažadaje,
«budzie mieć mahčymaść alternatyŭnaj słužby»,
a vajskoŭcy nie buduć nakiroŭvacca ŭ haračyja punkty.
Na dumku palityka, biełaruskija ŭłady nie zacikaŭleny ŭ tym, kab hramadzianie krainy naviedvali Jeŭropu, i tamu nie padpisvaje pahadnieńnie z Polščaj ab małym pryhraničnym ruchu. «Im niavyhadna, kab my z vami jeździli za miažu i bačyli, jak tam žyvuć ludzi. Chto b tady siońnia prahałasavaŭ za dziejučuju ŭładu? — zapytaŭsia Rymašeŭski. —
Z ekranaŭ telebačańnia nam pakazvajuć, što ŭ Jeŭropie, maŭlaŭ, žyviecca horš. Heta prosta chłuśnia. My pavinny adkryć Biełaruś dla Jeŭropy».
Rymašeŭski paŭtaryŭ, što pieradvybarčaja prahrama BCHD praduhledžvaje źmienu ŭsioj sistemy, što budzie patrabavać niezaležnaha rasśledavańnia śmierci vučonaha Ivana Nikitčanki, jaki trapiŭ u DTZ. Palityk znoŭ zaklikaŭ vybarščykaŭ pryjści 19 śniežnia na Kastryčnickuju płošču Minska.
«Dla mianie Biełaruś — najpierš heta svaboda», — padkreśliŭ kandydat u prezidenty.
Ciapier čytajuć
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?1
Biełpoł: «Epštejn nie dajechaŭ da Biełarusi». A kim byli baćki jaho kachanki Karyny Šulak?
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary