U akcyjanavańni Biełaruskaj čyhunki pakul niama nieabchodnaści. Takoje mierkavańnie vykazaŭ 2 śniežnia napres-kanfierencyi načalnik BČ Anatol Sivak.
«Svaje płany pa prodažy akcyj i pryciahnieńni pramych inviestycyj my nie vybudoŭvajem. Nie ličym, što heta nieabchodna rabić ciapier», — padkreśliŭ načalnik BČ.
«U toj ža čas, kali va ŭrada i buduć takija płany, to jany buduć čymści abhruntavanyja», — dadaŭ Sivak.
Tłumačačy svoj punkt hledžańnia, jon adznačyŭ, što BČ — adna ź niamnohich čyhunak, jakija nie atrymlivajuć hrošaj ź biudžetu. Načalnik BČ nahadaŭ, što Rasijskija čyhunki stali akcyjaniernym tavarystvam, pačali atrymlivać značnyja srodki ź biudžetu. «U čym tut vyjście? Kali raniej RČ mieli elemientarny park i spraŭlalisia z najaŭnym abjomam pieravozak, ale ź mienšymi taryfami, pry hetym nie bieručy hrošaj ź biudžetu, to siońnia ich park vyras, źjavilisia pryvatniki, značna vyraśli i taryfy, i hrošy pajšli ź biudžetu», — skazaŭ Sivak.
Pry hetym jon padkreśliŭ, što siońnia čyhunka i transpartnaja infrastruktura ŭ cełym — heta častka biaśpieki dziaržavy.
Kamientary