Milicyja zatrymała adnaho z kiraŭnikoŭ «Havary praŭdu» ŭ haražy z drukavanaj pradukcyjaj
Siarhiej Vaźniak, siabar inicyjatyŭnaj hrupy Niaklajeva, byŭ zatrymany ŭ Minsku prykładna ŭ 13.40 u aŭtorak.
Zatrymańnie adbyłosia niepadalok vulicy Radyjalnaj, na terytoryi, zabudavanaj haražami. Sa słovaŭ jurysta Raisy Michajłoŭskaj, Siarhiej Vaźniak razam sa svaim kiroŭcam pryjechaŭ tudy, kab adramantavać starter u aŭtamabili. Padčas ramontu mašyna była akružanaja ludźmi ŭ cyvilnym i adbyłosia zatrymańnie.
S.Vaźniak paśpieŭ paviedamić ab zatrymańni načalniku štaba U.Niaklajeva Andreju Dźmitryjevu, jaki, u svaju čarhu, źviazaŭsia ź jurystami.
Na dadzieny momant nieviadomaja pryčyna zatrymańnia, nieviadoma taksama, u čym abvinavačvajuć S.Vaźniaka.
Jak paviedamiła ŭ hutarcy z karespandentam «NN» Raisa Michajłoŭskaja, nijakaj infarmacyi supracoŭniki pravaachoŭnych orhanaŭ pakul nie dajuć.
Zatrymanaha dastavili ŭ Partyzanski RUUS.
Za niejki čas spadara Vaźniaka adpuścili biez składańnia pratakołu. U hutarcy z karespandentam «NN» jon raspavioŭ, što sapraŭdnaj metaj pajezdki na vulicu Radyjalnuju byŭ nie pałamany starter aŭtamabila, a drukavanaja pradukcyja, jakuju kampanii «Havary praŭdu!» prapanavaŭ znajomy spadara Siarhieja. «My pryjechali tudy, zajšli ŭ haraž, ale navat nie paśpieli raspakavać pakunki. adrazu ž źjavilisia ludzi ŭ cyvilnym, pačali adziavać naručniki na prysutnych. Ale kali ja pakazaŭ paśviedčańnie siabra inicyjatyŭnaj hrupy, to staŭleńnie źmianiłasia. Mnie prapanavali pajechać u RUUS, kab dać tłumačeńni. Ja nie admaŭlaŭsia», — raspavioŭ spadar Vaźniak. Ni haraž, ni drukavanaja pradukcyja nie naležali S.Vaźniaku, tamu jaho adpuścili. «Ja dumaju, što heta albo spłanavanaja padstava, albo prosta ludzi chacieli nam realna dapamahčy, ale śpiecsłužby za imi prasačyli. Pratakoł kanfiskacyi drukavanaj pradukcyi ja nie padpisvaŭ. Jana mnie nie naležała, haraž taksama. U dadatak tudy bieskantrolna zachodzili supracoŭniki KDB», — ličyć S.Vaźniak.
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»11
Kamientary