Pucin ab tym, chto vydaŭ Čapman: «śvińnia», «jon paškaduje», «30 srebranikaŭ stanuć kałom u horle»
Premjer-ministr Rasii Uładzimir Pucin skazaŭ, što rasijskija śpiecsłužby admovilisia ad praktyki źniščeńnia «vorahaŭ dziaržavy», ale paabiacaŭ, što ŭ pierabiežčyka, jaki vydaŭ sietku nielehałaŭ słužby źniešniaj raźviedki ŭ ZŠA, uznaharoda za zdradu «stanie kałom u horle». Pucin pry hetym nazvaŭ pierabiežčyka «śvińnioj» i «skacinaj», paabiacaŭšy, što toj «jašče paškaduje».
«Rasijskija śpiecsłužby takich srodkaŭ nie vykarystoŭvajuć, što tyčyć zdradnikaŭ, to jany sami zahnucca», - skazaŭ Pucin pad pramoj linii, adkazvajučy na pytańnie, ci prychodziłasia jamu addavać zahady ab likvidacyi «vorahaŭ dziaržavy».
Pavodle jaho słoŭ, «bajavyja padraździaleńni», jakija zajmalisia likvidacyjaj, užo likvidavany.
Adnak tut Pucin z abureńniem zhadaŭ pra niadaŭni skandał, kali ŭ ZŠA była raskrytaja, dziakujučy źviestkam pierabiežčyka z SZR, cełaja sietka nielehałaŭ, u tym liku i Hanna Čapman.
«Heta ž aficery, razumiejecie? Čałaviek addaŭ svaich siabroŭ, tavaryšaŭ pa zbroi ... Ludzi, jakija pakłali usio svajo žyćcio na ałtar ajčyny ... I znajšłasia niejkaja skacina, jakaja takich ludziej zdradžvaje ... Jak jon budzie hladzieć u vočy svaich dziaciej? Śvińnia!», - zaŭvažyŭ premjer-ministr.
«Jakija b 30 srebranikaŭ jon nie atrymlivaŭ, jany kałom ŭstanuć ŭ jaho ŭviersie", - paabiacaŭ Pucin, dadaŭšy, što «čałaviek, jaki vybiraje taki los, tysiaču raz jašče paškaduje».
Raniej šmatlikija zachodnija ŚMI kazali ab datyčnaści rasijskich śpiecsłužbaŭ da śmierci byłoha aficera FSB Alaksandra Litvinienki
Kamientary