Niekatoryja pytańni nakont biaspłatnych vizaŭ.
My pazvanili ŭ konsulski adździeł Ministerstva zamiežnych spravaŭ Polščy, kab vyśvietlić niekatoryja pytańni, jakija ŭźnikli ŭ našych słuchačoŭ i naviednikaŭ našaha sajtu ŭ suviazi z rašeńniem ministra Radasłava Sikorskaha admianić apłatu dla biełarusaŭ za atrymańnie nacyjanalnaj vizy (wiza krajowa) z 1 studzienia 2011.
Nam patłumačyli, što admianiajucca apłaty dla biełaruskich hramadzianaŭ za polskija vizy, jakija vydajucca na termin daŭžejšy, čym 90 dzion. Heta značyć,
što rašeńnie nie datyčyć šenhienskich vizaŭ, jakija vydajucca na termin da 90 dzion.
Stanisłaŭ Łukasik z konsulskaha adździełu Ministerstva zamiežnych spravaŭ Polščy skazaŭ nam:
Łukasik: Polskaja nacyjanalnaja viza dazvalaje pierasiakać polskuju miažu šmat razoŭ, i jana daje prava prabyvać na terytoryi Polščy daŭžej, čym 90 dzion. Šenhienskaja viza daje prava na prabyvańnie na terytoryi Polščy maksymalna da 90 dzion na praciahu 180 dzion. A što tyčycca daŭžejšaha, hetak zvanaha metavaha pobytu — naprykład,
u suviazi z vučobaj, stažam, seryjaj lekcyj, navukovaj dziejnaściu— dyk tady vydajecca hetak zvanaja nacyjanalnaja viza. Zrazumieła,
hetyja mety pavinny być zadakumentavanyja adpaviednym zaprašeńniem z polskaha boku.
U pieralik hetych metaŭ nie ŭvachodziać turystyčnyja pajezdki ci naviedvańnie znajomych. Zvalnieńnie ad apłaty datyčyć jakraz takich metavych vizaŭ.A dziela inšych pajezdak vydajucca šenhienskija vizy.
Maksimiuk: Ci majučy takuju nacyjanalnuju metavuju vizu biełaruski hramadzianin moža pajechać u inšuju krainu šenhienskaj zony, čym Polšča?
Łukasik: Tak, pačynajučy z krasavika 2010 hodu dziejničajuć praviły, pavodle jakich polskaja nacyjanalnaja viza dazvalaje taksama na pobyt i ŭ inšaj krainie šenhienskaj zony terminam da 90 dzion.
Kamientary