Siamja Michaleviča trapiła ŭ DTZ

Mašyna, u jakoj znachodzilisia Miłana Michalevič, siastra palityka Volha i jaje hramadzianski muž Ihar Zienčyk patrapiła kala 19 hadziny ŭ DTZ na vulicy Varanianskaha ŭ Minsku.

Ale, kali pasažyry vychodzili, ŭ adčynienyja dźviery ŭjechała inšaje aŭto.

Na miesca zdareńnia vyklikali DAI. Ale ŭ vyniku milicyjaniery zatrymali i dastavili ŭ Kastryčniki RUŬS hramadzianskaha muža siastry kandydata ŭ prezidenty Alesia Michaleviča Ihara Zienčyka. Zatrymali chłopca paśla taho, jak milicyjaniery pravieryli dakumienty ŭsich pasažyraŭ. Pryčym, Ihar nie tolki nie byŭ za rulom aŭto, ale i nie źjaŭlajecca jaho ŭładalnikam. Pra heta paviedamiŭ namieśnik staršyni Ruchu «Za svabodu» Juraś Hubarevič.

«Samo DTZ vyhladała nastupnym čynam: ich mašyna stajała kali ŭzbočyny i ŭ toj čas, kali jany vychodzili z mašyny, adčynili dźviery, inšaja mašyna, jakaja prajazžała pobač, u

rezałasia ŭ adčynienuju dźvierku aŭto, dzie była siamja Michaleviča. Byli pravieranyja va ŭsich dakumienty i byŭ zatrymany mienavita Ihar i adviezieny ŭ RUUS.

Choć jon i nie byŭ za rulom — za rulom była siastra Alesia Michaleviča. Ale iznoŭ: tut ciažka kazać pra znachodžańnie za rulom, bo mašyna była pryparkavanaja, jana stajała».

Pa słovach Hubareviča, zaraz supracoŭniki DAI schilajucca da taho, kab pryznać vinavatym u DTZ mašynu, dzie znachodziłasia siamja Michaleviča. Adno vyklikaje ździŭleńnie toj fakt, što milicyjaniery biez tłumačeńnia pryčyn nie dajuć nikomu aznajomicca sa składzienym na miescy zdareńnia pratakołam. Da taho ž, Hubarevič źviarnuŭ uvahu na pavodziny DAIšnikaŭ padčas zatrymańnia Ihara Zienčyka ŭ adnosinach da Miłany Michalevič.

«Miłanie Michalevič, jakaja chacieła patłumačyć situacyju i vystupić u jakaści śviedki, ledź nie pahrozami zabaranili nabližacca da supracoŭnikaŭ darožna-pastavoj słužby,

Napačatku, kaža Hubarevič, Zienčyka milicyjaniery abiacali pakinuć u pastarunku da ranicy. Ale paśla taho, jak u RUUs pryjechali svajaki Ihara i napisali zajavu na imia načalnika, pačałosia raźbiralnictva. Mahčyma, chłopiec vyjdzie z pastarunku jašče nočču. Ale ŭ lubym vypadku jaho pratrymali tam bolš jak 3 hadziny.

Unačy Ihara Zienčaka adpuścili. Jak raspaviała «NN» Miłana Michalevič, heta stała mahčymym tolki paśla taho, jak u RUUS pasprabavali pieradać zajavu ab niezakonnym zatrymańni. Napačatku milicyjanty zajaŭlali, što majuć padstavu ab zatrymańni Ihara, padpisanuju prakuroram, adnak paźniej vyjaviłasia, što takoha dakumienta nie isnavała. Milicyjanty doŭha vyrašali, što rabić z zajavaj ab niezakonnym zatrymańni i samim zatrymanym, adnak urešcie adpuścili I.Zienčyka.

«My byli pierakananyja, što heta zvyčajnaje zdareńnie, adnak paśla jaho akaličnaści prymusili nas zadumacca ab advarotnym.

• 0
• 0
• 0
• 0
• 0
• 0
• 0
• 0