Jak vyśvietlili rasijskija śledčyja orhany, terakt u aeraporcie «Damadziedava» płanavaŭsia z pačatku listapada, i pieršapačatkova musiŭ adbycca na Novy hod na Maniežnaj płoščy.
Ale teraktu pieraškodziła
sms-rassyłka ad kampanii «Biłajn».
Terarysty źniali domik dla śmiertnicy ŭ Kuźminskim parku. Terakt, pa papiaredniaj viersii, pavinien byŭ vyhladać tak: na «adnarazovy» mabilny telefon terarystki pavinna było pryjści sms-paviedamleńnie, jano i musiła aŭtamatyčna zapuścić vybuchovy miechanizm. Ale terarysty nie raźličyli, što pierad Novym hodam mabilnyja kampanii rassyłajuć vialikuju kolkaść rekłamnych paviedamleńniaŭ, a taksama vinšavańniaŭ «Z Novym hodam!». Mienavita apošniaje i pryjšło na telefon terarystki, paśla čaho zdetanavaŭ «pojas śmiertnicy." U vyniku vybuch adbyŭsia nie na Maniežnaj płoščy (miescy samych masavych narodnych hulańniaŭ), a ŭ domiku ŭ Kuźminskim parku. Asoba žančyny ŭstanoŭlena, zhodna z papiaredniaj infarmacyjaj jana ŭvachodziła ŭ skład internacyjanalnaj terarystyčnaj hrupy, jakaja paśla spłanavała terakt u «Damadziedava».
Kamientary