Centar Miensku – ad vakzału i na praciahu ŭsiaho praspektu – pieratvaryŭsia ŭ sucelny zator. Čerhi mašyn stajać dakul bačyć voka. Aŭtamabilisty pierastajuć zvažać na praviły, pierakryvajuć skryžavańni, jeduć na čyrvonaje, stanoviacca na pierachodach, čym jašče bolš uskładniajuć sytuacyju. U zatorach staić nia tolki aŭtatranspart, ale i tramvai – rejki taksama pierakrytyja mašynami. Hramadzki transpart pierapoŭnieny i taksama bieznadziejna źbiŭsia z hrafiku i zahraz u zatorach.
Bahata ludziej iduć dachaty pieški, navat u spalnyja rajony:
«U 15.30 na vakzale tvaryłasia niemaviedama što!!!, – aburana piša błohier Ingi ŭ supołcy minsk_by. – Tralejbusy kołam stajać… natoŭpy narodu… mašyny… Daviałosia ŭ Sierabranku adpravicca piecham… za hadzinu dajšoŭ dachaty…»
«Adna dziaŭčynka ledź nia płakała. Kazała, što pajechała za klučami ad ofisu, jakija zabyłasia doma, a tut jašče na advarotnym šlachu hety biaskoncy zator (cikava, što ź joj zrabili kalehi, jakija čakali jaje pad ofisam?).
Paśla 30 chvilin čakańnia, kali ŭžo prajechała 3 kartežy, a transpart tak i nie puścili, narod pačaŭ vychodzić papalić Pavychodziła šmat narodu, usie aburalisia, niechta žartam prapanoŭvaŭ pierakryć praspekt. Kazali, što delehaty nia mohuć znajści ŭ tumanie Nacyjanalnuju biblijateku :) i h.d. ale było nie da śmiechu, narod spaźniaŭsia. Niedzie paŭtary hadziny pravioŭ ja ŭ maršrutcy «Ŭručča-m.Uschod». Usie razam «ułamali» kiroŭcu pajechać u abjezd. Ale i vuł. Kalinoŭskaha, i Filimonava taksama byli pierakrytyja pastami DAI. Jak my dabralisia da metro, ja nia viedaju, jechali praź niejkija «zakaziaŭkavičy», ale ž dabralisia...», – raskazvaje tamsama Belman.
Akramia taho, kala 17-j pierakryli pierasadačny vuzieł metrapalitenu «Kastryčnickaja – Kupałaŭskaja» i Kastryčnickuju płošču ad vulicy Janki Kupały i ŭvieś narod chłynuŭ na susiednija stancyi. Na Kastryčnickaj płoščy siońnia a 19-j miełasia adbycca akcyja salidarnaści z palitźniavolenymi, adnak jana była razahnanaja milicyjaj, nie pačaŭšysia.
Ciapier čytajuć
Aryštavany 75‑hadovy Źmicier Sańko — vieteran-vydaviec1
Kamientary