Šuškievič: Biez ekanamičnych sankcyj utajmavać represii niemahčyma
Biez ekanamičnych sankcyj utajmavać represii, jakija razharnuŭ dziaržaŭny aparat Alaksandra Łukašenki ŭ dačynieńni da ŭdzielnikaŭ płoščy 2010 hoda niemahčyma — ličyćeks-śpikier biełaruskaha parłamienta Stanisłaŭ Šuškievič.
U hetaj spravie my, jak delehacyja biełaruskaj apazicyi, pavinny havaryć adnym hołasam — kaža palityk. «Spadziajusia što i Milinkievič spynić palityku dyjałohu z uładaj», — kaža Stanisłaŭ Šuškievič:
— Spadziajusia, što jon moža ŭžo krychu zrazumieŭ, što nielha iści šlacham zhody, kali ŭ ciabie na horle naha hetaj ahidnaj ułady, kali ŭłada źnievažaje ludziej, źbivaje ich, robić pravakacyi. Z hetaj uładaj šukać dyjałoh — moža tolki Milinkievič, jamu heta było zručna na peŭnym etapie, tamu što jamu padpiavali ŭ Jeŭropie i padtrymlivali jaho za heta. Ale, mnie zdajecca, ciapier Jeŭropa razumieje, što adbyvajecca — jamu treba mianiać imidž, treba havaryć ab sapraŭdnaj situacyi ŭ Biełarusi.
U piatnicu polski Siejm prymie rezalucyju ŭ spravie Biełarusi. U rezalucyi źmieščany zaklik deputataŭ Siejma da polskich uładaŭ pradpryniać adekvatnyja miery ŭ dačynieńni da režymu Alaksandra Łukašenki pa vyzvaleńni palityčnych viaźniaŭ, u iž liku i byłych kandydataŭ u prezidenty dy siabraŭ ich vybarčych štaboŭ.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty48
Kamientary