Tyja ž jajki, tolki ŭ profil. Pazyčać praź jeŭrabondy zaraz buduć i abłvykankamy
Łukašenka publična zajaŭlaŭ pra nieabchodnaść spynić zamiežnyja zapazyčvańni, adnak novy ŭkaz śviedčyć, što jany praciahnucca, tolki ŭ bolš sukrytych formach.
Alaksandr Łukašenka ŭkazam № 75 dazvoliŭ abłvykankamam i Minskamu harvykankamu ŭ 2011–2012 hadach vypuścić jeŭrabondy dla finansavańnia inviestprajektaŭ.
Pry hetym dadzienyja zapazyčańni nie buduć stavicca na źniešni dziarždoŭh, jany buduć kłasifikavacca jak daŭhi miascovych orhanaŭ kiravańnia. Raschody na absłuhoŭvańnie zapazyčańniaŭ buduć ažyćciaŭlacca za košt adpaviednych miascovych biudžetaŭ.
Adzinaje što
miascovyja orhany pavinny ŭzhadniać z «prezidentam» abjomy jeŭrabondaŭ.
Łukašenka taksama dazvoliŭ pieravyšać hraničnyja ŭzroŭni deficytu kansalidavanych biudžetaŭ abłaściej na sumu vydatkaŭ na realizacyju inviestprajektaŭ, što finansujucca za košt zamiežnych pazyk.
Raniej ŚMI paviedamlali, što Minski harvykankam płanuje pazyčyć na zamiežnych rynkach u 2011 hodzie $ 200–300 młn šlacham vypusku jeŭrabondaŭ. Standard & Poor's prysvoiŭ horadu Minsku doŭhaterminovy kredytny rejtynh «V +». Prahnoz pa rejtynhu — «Niehatyŭny».
U
U cełym zamiežny doŭh Biełarusi na siońnia dasiahnuŭ prykładna 27–28 miljardaŭ dalaraŭ, što pierakročyła miažu 50% ad VUP. Apošniaja dakładnaja ličba viadoma tolki na 1 kastryčnika 2010 hoda — tady jana składała 25,8 młrd. Adnak za apošnija piać miesiacaŭ kraina ździejśniła jašče šerah značnych zapazyčvańniaŭ.
Łukašenka publična zajaŭlaŭ pra nieabchodnaść spynić zamiežnyja zapazyčvańni, adnak novy ŭkaz śviedčyć, što jany praciahnucca, tolki ŭ bolš sukrytych formach.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta4
Kamientary