Viersija: Michalevič znachodzicca ŭ Polščy, vyjechaŭ u dypłamatyčnym aŭtamabili
Sajt Ruchu za Svabodu: «Daroha ŭ «nadziejnaje miesca» zaniała amal sutki».
Jak stała viadoma, Michalevič pierasiok miažu na dypłamatyčnym aŭtamabili adnaho z pasolstvaŭ i ciapier znachodzicca ŭ Polščy, paviedamili gazeta.ru ludzi z asiarodździa apazicyjaniera.
Nahadajem, što dniom raniej palityk napisaŭ u svaim błohu: «Mianie vyklikajuć dla praviadzieńnia śledčych dziejańniaŭ u KDB. Ja maju abhruntavanyja padstavy mierkavać, što z budynka KDB užo nie vyjdu, Tamu mianie ŭ KDB nie budzie. Zaraz ja znachodžusia ŭ nadziejnym miescy, nie ŭ zonie dasiažnaści biełaruskaha KDB. Źbirajusia praciahvać pracu nad spynieńniem katavańniaŭ i vyzvaleńniem usich, chto niezakonna ŭtrymlivajecca pa palitmatyvach».
Ranicaj 20 śniežnia Aleś Michalevič byŭ aryštavany KDB pa padazreńni va ŭdziele ŭ masavych biesparadkachi ŭtrymlivaŭsia ŭ SIZA KDB, a taksama niekalki dzion u śledčym izalatary. 19 lutaha jon byŭ vyzvaleny. 28 lutaha na pres-kanfierencyi ŭ Minsku Michalevič zajaviŭ, što da jaho ŭ SIZA prymianialisia katavańni, a ŭmovaj vyzvaleńnia było pahadnieńnie ab supracoŭnictvie z KDB.
Žonka Michaleviča Miłana nie paćviardžaje infarmacyi, što jon u Polščy. Jana kaža, što Alaksiej Michalevič na kantakt pakul nie vychodziŭ.
Sajt Ruchu za Svabodu, u svaju čarhu, piša, što «adsačyć adjezd Michaleviča KDBistam nie ŭdałosia, adjechaŭ jon unačy. Daroha ŭ «nadziejnaje miesca» zaniała amal sutki».
Za miažoj Michalevič moža stać adnym z klučavych śviedkaŭ na mahčymym sudzie ab parušeńniach pravoŭ čałavieka ŭ Biełarusi.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała41
Kamientary