Baćka pakinuŭ 7‑hadovaha syna adnaho na najvyšejšaj hary Japonii, a sam praciahnuŭ uzychodžańnie
Na hary Fudzi ŭ Japonii siamihadovaha chłopčyka znajšli adnaho na łaŭcy ŭ tumanie i pad daždžom. Dzicia znachodziłasia na vyšyni bolš za 2000 mietraŭ i mieła pry sabie tolki hazavany napoj i nievialiki pierakus, paviedamlaje Bi-bi-si.
Pavodle paviedamleńniaŭ miascovych ŚMI, 48‑hadovy baćka paśla taho, jak syn paskardziŭsia jamu na stomlenaść, skazaŭ jamu čakać na miescy i praciahnuŭ uzychodžańnie razam sa starejšym synam.
Rabotniki hornaha prytułku znajšli chłopčyka kala šostaj stancyi adnaho z maršrutaŭ i paviedamili ŭ palicyju. Baćku paźniej adšukali na vośmaj stancyi, da jakoj ad miesca znachodžańnia dziciaci treba było iści kala troch hadzin.
Chłopčyka znajšli kala 7:30 ranicy ŭ čaćvier pa miascovym časie. Kali mužčyna viarnuŭsia da syna, palicyjanty praviali ź im razmovu i zrabili zaŭvahu, što pakidać maleńkaje dzicia adno ŭ takich umovach niedapuščalna, navat kali dziela hetaha daviadziecca admovicca ad sumiesnaha ŭzychodžańnia.
Jak paviedamlajecca, baćka pryznaŭ, što pryniaŭ nieabdumanaje rašeńnie, i paprasiŭ prabačeńnia.
Siamja išła maršrutam Fudzinomija, jaki pačynajecca ad piataj stancyi hary. Adtul da viaršyni zvyčajna treba kala piaci hadzin, a spusk zajmaje jašče prykładna try hadziny.
Fudzi — dziejny vułkan vyšynioj 3776 mietraŭ, raźmieščany na paŭdniovy zachad ad Tokia. Heta samaja vysokaja hara Japonii. U 2013 hodzie jana była ŭklučanaja ŭ śpis Suśvietnaj spadčyny JUNIESKA.
Štohod na Fudzi padymajucca kala 200 tysiač čałaviek. Pry hetym na niekatorych maršrutach dziejničajuć abmiežavańni na kolkaść naviedvalnikaŭ, kab nie dapuskać praźmiernaha skapleńnia ludziej. U apošnija hady na hary adbyłosia niekalki zdareńniaŭ, źviazanych z uzychodžańniami.
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała33
Kamientary