U Indyi pry sprobie baćkoŭ vyratavać 18‑hadovaha syna ad suicydu zahinuli ŭsie troje
Paśla siamiejnaj svarki 18‑hadovy chłopiec skočyŭ z abryvu. Baćki ŭpali ź im, sprabujučy jaho vyratavać, piša The Times of India.
U indyjskim horadzie Čchatrapaty-Sambchadžynahar 18‑hadovy chłopiec zahinuŭ paśla padzieńnia ŭ hłyboki kamienny karjer. Jaho baćka taksama sarvaŭsia ŭniz, sprabujučy vyratavać syna, a maci skočyła śledam.
Pavodle vidavočcaŭ, kali paśla siamiejnaj svarki chłopiec pryjšoŭ na viaršyniu abryvu i staŭ kala kraju.
Nieŭzabavie tudy prybyli jaho baćki i miascovyja žychary, paźniej — palicyja i ratavalniki. Na praciahu amal troch hadzin jany sprabavali pierakanać chłopca adyści ad niebiaśpiečnaha miesca. Jon niekalki razoŭ pahražaŭ skočyć i praciahvaŭ ruchacca ŭzdoŭž kraju abryvu.
Ratavalniki padrychtavali ŭnizie strachovačnuju sietku, a baćki nie spyniali sprobaŭ adhavaryć syna.
Ale chłopiec raptam sarvaŭsia i ŭpaŭ u karjer. Baćka adrazu pasprabavaŭ schapić jaho, adnak straciŭ raŭnavahu i taksama ŭpaŭ uniz.
Maci, jakaja stała śviedkaj padzieńnia muža i syna, praź niekalki imhnieńniaŭ taksama kinułasia ŭ karjer.
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior20
Kamientary