U Indaniezii niekalki čałaviek publična adłupcavali za seks pa-za šlubam
U indaniezijskaj pravincyi Ačech pa rašeńni suda, jaki dziejničaje pavodle normaŭ šaryjatu, publična adłupcavali 11 čałaviek. Čatyroch ź ich — dźviuch žančyn i dvuch mužčyn — pryznali vinavatymi ŭ seksualnych adnosinach pa-za šlubam. Kožny atrymaŭ pa 100 udaraŭ pałkaj.
Jašče čatyroch čałaviek pakarali 22‑ma ŭdarami za parušeńni, źviazanyja z tak zvanaj fizičnaj blizkaściu. Da jaje mohuć adnosić, naprykład, pacałunki abo abdymki. Dvoje atrymali pa siem udaraŭ za praźmiernuju blizkaść — u pryvatnaści, havorka mahła iści navat pra toje, što jany trymalisia za ruki. Jašče adnaho mužčynu pakarali 20 udarami za ŭžyvańnie ałkaholu.
U Ačechu dziejničaje asablivaje kryminalnaje zakanadaŭstva na asnovie šaryjatu. Publičnaje łupcavańnie tam moža prymianiacca za azartnyja hulni, užyvańnie ałkaholu, intymnuju blizkaść pamiž ludźmi, jakija nie znachodziacca ŭ šlubie, a taksama za adnapołyja adnosiny. Pakarańni niaredka adbyvajucca na vačach u publiki.
Asablivy režym šaryjackaha prava dziejničaje ŭ Ačechu z 2002 hoda. Heta adzinaja pravincyja Indaniezii, dzie aficyjna prymianiajecca isłamskaje zakanadaŭstva.
Žorstkija šaryjackija pakarańni nieadnarazova krytykavalisia Arhanizacyjaj Abjadnanych Nacyj. U AAN ličać, što publičnaje łupcavańnie źjaŭlajecca źnievažalnym dla čałaviečaj hodnaści pakarańniem.
U Sinhapury školnikaŭ za bulinh buduć łupcavać rozhami
Sinhapur uvodzić abaviazkovaje łupcavańnie rozhami jak pakarańnie dla anłajn-machlaroŭ
Na Bali zabaranili pazašlubny seks. Za parušeńnie — turemnyja terminy
U hetaj hustanasielenaj krainie ŭvodziać kryminalnaje pakarańnie za seks da šlubu. Raspaŭsiudžvacca budzie i na zamiežnikaŭ
Kamientary
Adzinaje, pavahi da mierkavańnia AAN, amal niama.
[Zredahavana]