Fidžy: Vojska pry ŭładzie. Premjer pad chatnim aryštam
Heta ŭžo čaćvierty vajenny pieravarot na vyspach za apošnija 20 hadoŭ.
Kiraŭnik fidžyjskich uzbrojenych siłaŭ kamandor Frenk Bajnimarama zajaviŭ siońnia, što vojska całkam pieraniało ŭładu ŭ krainie. Heta ŭžo čaćvierty vajenny pieravarot na Fidžy za apošnija 20 hadoŭ.
A 6-j uviečary ŭ aŭtorak (8 ranicy pa mienskim časie) vojska pieraniała kantrol nad uradam i administracyjaj krainy – abvieściŭ Bajnimarama padčas pres-kanferencyi. Jon patłumačyŭ, što da akcyi jaho zmusiŭ zastoj u krainie. Kamandor paviedamiŭ, što abvieściŭ siabie novym kiraŭnikom dziaržavy, zamiest prezydenta Josefy Ilojła.
Rezydencyja premjera krainy, Lajsenia Nharase, z aŭtorkavaj ranicy atočana vojskam. Adnak niahledziačy na cisk kiraŭnik uradu admaŭlajecca padavać u adstaŭku. Vojska zablakavała taksama padjaznyja darohi da stalicy krainy, h. Suva.
Pahroza vajennaha pieravarotu na Fidžy narastała ŭžo niekalki dzion. U paniadziełak vojska pad kiraŭnictvam Bajnimarama pačało razzbrojvańnie palicyi i cyvilnych paradkavych słužbaŭ. Raniej Bajnimarama nieadnarazova pahražaŭ tym, što zrynie ŭrad.
Premjer Novaj Zelandyi Chelen Kłark zajaviła, što pieravarot byŭ padtrymany prezydentam Fidžy Josefam Ilojła. Pavodle jaje słovaŭ, Ilojła zhadziŭsia raspuścić parlament i adchilić ad ułady premjera Nharase. U svaim radyjovystupie prezydent abvierhnuŭ hetyja danosy.
Novaja Zelandyja zajaviła pra ŭviadzieńnie sankcyjaŭ suprać pradstaŭnikoŭ fidžyjskaha vojska.
Dziaržava Fidžy raźmiaščajecca na vyspach u paŭdniova-zachodniaj častcy Cichaha akijanu (na paŭnočny ŭschod ad Aŭstralii), kala 180 hradusu meryjadyjanu – na linii pieramieny dat. Mienavita tut pieršymi sustrakajuć novy dzień.
Płošča astravoŭ składaje – 18,5 tys. km kvadratnych, nasielnictva – 850 tys. čałaviek. Pałovu nasielnictva składajuć fidžyjcy – naščadki šlubaŭ palinezijcaŭ i mełanizijcaŭ, 44% - indusy, 5% - eŭrapiejcy.
Ciapier čytajuć
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm17
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać3333
Kamientary