Akcyja apazicyi 25 sakavika, u Dzień Voli, moža prajści ŭ niesankcyjanavanym farmacie, ličyć kiraŭnik Partyi BNF Alaksiej Janukievič. Najbolš vierahodny na siońnia varyjant, što zajaŭniki akcyi napišuć kalektyŭnuju admovu ad prapanavanaha Minharvykankamam scenaryja jaje praviadzieńnia, zajaviŭ jon 19 sakavika na pasiadžeńni sojmu partyi.
U toj ža čas, adznačyŭ jon, «ludzi, mahčyma, usio adno źbiarucca na płoščy Jakuba Kołasa».
Alaksiej Janukievič raspavioŭ pra stvareńnie družyny pa zabieśpiačeńni paradku na mierapryjemstvie i pra supracu z mastakami pa stvareńni płakataŭ i transparantaŭ: «My źviarnulisia z zaklikam da usich prynosić tolki
Lidar partyi ličyć, što «kali akcyja budzie niesankcyjanavanaj, pravieści jaje arhanizacyjna budzie vielmi składana». «U luby momant možna čakać umiašańnia milicyi», — zaznačyŭ jon.
Nahadajem, 18 sakavika Minharvykankam zabaraniŭ arhanizataram akcyi pravieści 25 sakavika šeście pa vyznačanym imi maršrucie.
Zajaŭniki płanavali zbor udzielnikaŭ na płoščy Jakuba Kołasa z 18.00 da 18.30, zatym mitynh na hadzinu i šeście (da 20.30) pa praśpiekcie Niezaležnaści da skviera Janki Kupały. Akcyja pavinna była prajści pad łozunhami niezaležnaści Biełarusi i vyzvaleńnia palitźniavolenych.
Minharvykankam prapanavaŭ demanstrantam sabracca ŭ parku Družby narodaŭ, na płoščy Banhałor, i pravieści tam mitynh.Takim čynam, šeście, navat pa alternatyŭnym maršrucie, zabaroniena.
Arhanizatary akcyi płanujuć abmierkavać svaje dalejšyja dziejańni na pasiadžeńni arhkamiteta 21 sakavika.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek8
Kamientary