U banku adna kupiura sa 130 padałasia padazronaj — vyklikali milicyju
Zvyčajny vizit u bank dla abmienu valuty pieratvaryŭsia ŭ historyju z vyklikam milicyi. 37‑hadovy mužčyna ŭ Mahilevie prynios u kasu značnuju sumu — $12 670.
Jak raskazała aficyjny pradstaŭnica ŭpraŭleńnia Dziaržaŭnaha kamiteta sudovych ekśpiertyz Mahiloŭskaj vobłaści Iryna Račkoŭskaja, jon płanavaŭ abmianiać 124 kupiury naminałam 100 dalaraŭ, piać kupiur pa 50 dalaraŭ i adnu «dvaccatku».
— Adnak padčas pravierki kasir zasumniavaŭsia ŭ sapraŭdnaści adnoj z banknot naminałam $100 uzoru 2006 hoda. Dziejničajučy pa instrukcyi, supracoŭnik banka nacisnuŭ tryvožnuju knopku. U vyniku ŭsie najaŭnyja hrošy byli kanfiskavanyja i nakiravanyja na daśledavańnie ŭ Dziaržaŭny kamitet sudovych ekśpiertyz, — raskazała Iryna Račkoŭskaja.
Na ščaście dla mahiloŭca, ekśpiertyza paćvierdziła, što ŭsie kupiury — i taja samaja «padazronaja, i astatnija 129 banknot — sapraŭdnyja: hrašovyja bilety byli vypuščany pradpryjemstvam, što aficyjna vypuskaje dalary ZŠA.
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie29
Kamientary