Pucin vykazaŭsia pa Livii i atrymaŭ orden carkvy Sierbii

Padčas vizitu ŭ Sierbiju premjer Rasii Uładzimir Pucin znoŭ vykazaŭ niezadavolenaść apieracyjaj NATO na poŭnačy Afryki, adznačyŭšy, što jaho «turbuje taja lohkaść, ź jakoj u apošnija hady prymajucca rašeńni ab užyvańni siły ŭ mižnarodnych spravach».

Zvolnieny Miadźviedzievym, pavodle niekatorych dadzienych, za «nieadekvatnaje pradstaŭleńnie intaresaŭ» svajoj krainy pasoł Rasii ŭ Livii Uładzimir Čamaŭ padtrymaŭ premjera i skazaŭ, što «śledam za Livijaj pryjdzie čarha Siryi, a zatym i inšych dziaržavaŭ Azii». Pra heta jon pa viartańni ŭ Rasiju raskazaŭ u intervju «Moskovskomu komsomolcu».

U pačatku tydnia premjer Pucin niečakana zrabiŭ zajavu, u jakoj paraŭnaŭ rezalucyju Rady biaśpieki AAN pa Livii z zaklikam da «kryžovaha pachodu». Hetyja słovy prezident Dźmitryj Miadźviedzieŭ nazvaŭ niedapuščalnymi, a na nastupny dzień pres-słužba ŭrada zapeŭniła, što Uładzimir Pucin vykazaŭ svajo asabistaje mierkavańnie, a zamiežnaja palityka źjaŭlajecca całkam prerahatyvaj prezidenta.

U Białhradzie Uładzimir Pucin, adnak, raźviŭ svoj tezis ab niedapuščalnaści vajennaj apieracyi zachodniaj kaalicyi na poŭnačy Afryki:

Eks-pasoł — za premjera

Uładzimir Čamaŭ, jaki zajmaŭ z 2005 pa 2008 hady post pasła ŭ Iraku, byŭ raptoŭna adpraŭleny ŭ adstaŭku ŭkazam prezidenta Rasii ŭ minułuju subotu.

Pryčyny zvalnieńnia nieviadomyja, adnak, pa niekatorych dadzienych, prezident Miadźviedzieŭ paličyŭ, što Čamaŭ «niekampietentny i nieadekvatna ŭjaŭlaŭ sabie intaresy Rasii ŭ livijskim kanflikcie».

U intervju «MK» były pasoł paćvierdziŭ, što paśla pačatku vajennaj apieracyi NATO ŭ Livii adpraviŭ aficyjnuju telehramu ŭ Maskvu, u jakoj «padkreśliŭ, što pradstaŭlaje ŭ Livii intaresy Rasii», a taksama toje, što ŭ vyniku pačatku apieracyi rasijskija kampanii «mahli stracić i ŭžo stracili» vielmi vyhadnyja kantrakty na dziasiatki młrd jeŭra».

Pa słovach Čamava, heta «ŭ peŭnym sensie možna ličyć zdradaj intaresam Rasii». Rasija nie stała nakładvać vieta na rezalucyju Rady biaśpieki AAN, jakaja faktyčna dazvoliła pačatak apieracyi.

Kamientujučy zajavu Pucina ab «kryžovym pachodzie», Čamaŭ skazaŭ, što zhodny ź im: «Uładzimir Uładzimiravič, što mnie ŭ im asabliva padabajecca, vielmi vyrazna, karotka i jomista daje aznačeńni. Tut, ja dumaju, jon ad iściny niedaloki».

Kansensus ź Sierbijaj

U Sierbii Pucin sustreŭsia z prezidentam krainy Barysam Tadzičam, a taksama sierbskim parłamientam. Pa vynikach sustreč jon adznačyŭ, što pamiž Rasijaj i Sierbijaj isnuje «absalutna nacyjanalny kansensus» i što «treba pašyrać kantakty pamiž parłamientami, pamiž usimi palityčnymi siłami, pradstaŭlenymi ŭ našych parłamientach».

Barys Tadzič, sa svajho boku, skazaŭ Pucinu, što Białhrad padtrymlivaje Maskvu ŭ sprečcy ź Jeŭrasajuzam z nahody pryniataha ŭ 2009 hodzie Treciaha enierhapakieta, jaki nakładaje abmiežavańni na dostup kampanij z trecich krain da enierhasietak ES i, pa słovach Pucina, škodzić rasijskim kampanijam.

Treci enierhapakiet, skazaŭ rasijski premjer, «budzie nanosić škodu supracoŭnictvu Rasii ŭ cełym i Jeŭropie ŭ śfiery enierhietyki».

«Ja nie baču mahčymaści taho, kab Jeŭrapiejski sajuz vyrašyŭ svaje enierhietyčnyja [prablemy] biez partniorskich adnosin z Rasijaj. U hetym kantekście [my] možam znajści adkazy na ŭsie pytańni, źviazanyja z Trecim enierhietyčnym pakietam», — cytujuć rasijskija ahienctvy słovy prezidenta Sierbii Barysa Tadziča.

Pucin taksama skazaŭ, što Rasija moža dać Sierbii «pakiet u abjomie 800 młn dalaraŭ na finansavańnie kankretnych prajektaŭ».

Uznaharoda, futboł i bajkiery

Rasijskamu premjeru taksama było nadadzienaje zvańnie hanarovaha hramadzianina Kosava i Mietochii. Pucin atrymaŭ najvyšejšuju ŭznaharodu Sierbskaj pravasłaŭnaj carkvy, sustreŭsia ź miascovymi bajkierami i razam ź imi pahladzieŭ matč moładzievych kamand — «Zienita» i «Crvieny Źviezdy».

Uładzimir Pucin atrymaŭ najvyšejšuju ŭznaharodu Sierbskaj pravasłaŭnaj carkvy, orden Śviatoha Savy, z ruk patryjarcha Irynieja ŭ samym vialikim chramie krainy, chramie Śviatoha Savy ŭ Białhradzie.

U chramie praciahvajecca rekanstrukcyja, jakuju paabiacali dapamahčy finansavać rasijskija pravasłaŭnyja supołki. «My pracujem z Božaj dapamohaj i z nadziejaj na dapamohu ruskich bratoŭ», — skazaŭ patryjarch. «Papracujem nad hetym», — adkazaŭ Pucin.

• 0
• 0
• 0
• 0
• 0
• 0
• 0
• 0