U Rahačovie raspačatyja adrazu dźvie kryminalnyja spravy pa parnahrafii, u jakich zadziejničanyja niepaŭnaletnija.
U Rahačovie raspačatyja adrazu dźvie kryminalnyja spravy pa parnahrafii, u jakich zadziejničanyja niepaŭnaletnija.
U pieršym vypadku kryminalnaja sprava za ŭciahvańnie niepaŭnaletnich u vyrab pornamateryjałaŭ i ich raspaŭsiud uzbudžanaja ŭ dačynieńni 19-hadovaha navučenca haradskoha PTV. Małady čałaviek zaprasiŭ da siabie dadomu svaju adnahodku, a taksama dvuch siabroŭ 16 i 17 hadoŭ i na mabilnik zapisaŭ intymnuju suviaź, u jakuju jany ŭstupili. Paśla chłopiec daŭ spampavać rolik tavaryšam, a dalej jon raspaŭsiudziŭsia siarod haradskoj moładzi. Artykuł Kryminalnaha kodeksa, pad jaki padpadajuć dziejańni navučenca, praduhledžvaje pazbaŭleńnie voli terminam ad 3 da 8 hadoŭ.
Fihurantam druhoj kryminalnaj spravy staŭ były kiraŭnik hurtka pa ihry na hitary i vieršaskładańni 1961 hoda naradžeńnia, jaki raniej pracavaŭ u hetaj jakaści ŭ miascovym Domie kultury. U 2009 hodzie jon sprabavaŭ schilić da intymnaj suviazi 15-hadovuju vychavanku hurtka, dla čaho napisaŭ paetyčny tvor, dapoŭniŭšy jaho parnastužkaj z udziełam niepaŭnaletnich, uziataj ź internetu. Zapisany dysk jon pieradaŭ školnicy. Paśla aznajamleńnia ź im vučanica pierastała naviedvać hurtok. Adnak nastaŭnik (na toj momant užo nie pracavaŭ u DK) nie pakidaŭ dziaŭčynu ŭ spakoi až dahetul. Baćki školnicy vymušanyja byli źviarnucca ŭ milicyju.
Pa hetych kryminalnych spravach viadziecca śledstva.
Kamientary