MZS Biełarusi: Associated Press źjaŭlajecca najomnym ahitataram i instrumientam zakaznoj prapahandy
«Vykryta čarhovaja sproba falsifikacyi realnaha stanu spraŭ zachodniaj miedyjnaj arhanizacyjaj. Hety fakt možna razhladać jak dokaz taho, što ahienctva Associated Press źjaŭlajecca najomnym ahitataram i instrumientam zakaznoj prapahandy», —havorycca ŭ raspaŭsiudžanym kamientaryi načalnika ŭpraŭleńnia infarmacyi —
«My atrymali vyčarpalny adkaz ad kiraŭnika hrupy AAN pa najomnikach Chase del Prada ab tym, što kankretna jon skazaŭ karespandentu ahienctva Associated Press. Ustanoŭlena, što pradstaŭnik AAN zajaviŭ amierykanskamu žurnalistu, što jon nie maje nijakaj infarmacyi i tamu nie moža paćvierdzić prysutnaść
«Jak ujaŭlajecca, acenku dziejańniaŭ Associated Press možna adnieści i da inšych zachodnich ŚMI, jakija publikavali natatki na hetu temu.Jak bačna, zachodnija žurnalisty lohka pierastupajuć praz ahulnapryniatyja demakratyčnyja standarty, kali im heta zručna ci adpaviadaje intaresam ich sponsaraŭ», — ličać u biełaruskim źniešniepalityčnym viedamstvie.
Jak paviedamlałasia raniej, u telefonnym intervju Associated Press Prada adznačyŭ: «My praviali analiz infarmacyi, jakaja atrymlivajecca z roznych krynic, i danyja ŭkazvajuć na toje, što Kadafi karystajecca pasłuhami najomnikaŭ u baraćbie suprać nasielnictva Livii». Pavodle jaho słoŭ, adznačaje AP, mnohija najomniki źjaŭlajucca vychadcami z krain Paŭnočnaj Afryki, ale niekatoryja, jak miarkujuć, prybyvajuć ź Biełarusi.
Nahadajem, raniej MZS i Minabarony Biełarusi asprečvali infarmacyju pra najaŭnaść u Livii biełaruskich vajennych. U Livii znachodzicca tolki adzin vajennasłužačy — vajenny ataše ŭ składzie pasolstva Respubliki Biełaruś, udakładniła vajennaje viedamstva.
Kamientary