Kredyt, bieź jakoha Biełarusi pahražaje finansavaja niestabilnaść, moža pryjści ciaham miesiaca. «Ale heta zaležyć ad charaktaru [pieramovaŭ], mohuć być ciažkaści».
Kredyt, bieź jakoha Biełarusi pahražaje finansavaja niestabilnaść, moža pryjści ciaham miesiaca. «Ale heta zaležyć ad charaktaru [pieramovaŭ], mohuć być ciažkaści».
Rasija i Biełaruś mohuć zaviaršyć pieramovy pa ŭmovach
Biełaruś raniej źviarnułasia da ŭrada Rasiei pa kredyt $ 1 młrd i da antykryzisnaha fondu JeŭrAzES pa kredyt $ 2 młrd. Udzielnikami antykryzisnaha fondu JeŭrAzES źjaŭlajucca Rasija, Kazachstan, Biełaruś, Kirhizija, Tadžykistan, Armienija.
Hetyja pazyki nieabchodny Biełarusi, kab kampiensavać vializny deficyt valuty, jaki pryvioŭ da faktyčnaj devalvacyi rubla.
«Ja b chacieŭ, kab my skončyli ŭ praciahu miesiaca, ale heta zaležyć ad charaktaru [pieramovaŭ], mohuć być ciažkaści z pytańniami, jakija my raźbirajem», — skazaŭ Kudryn. Jon paviedamiŭ, što 11 krasavika jon pravodziŭ sustreču ź ministram finansaŭ Biełarusi, dzie abmiarkoŭvałasia hetaje pytańnie.
«My abmianialisia infarmacyjaj, adkazvali na pytańni adzin adnaho, u mianie jość razumieńnie taho, što na siońniašni dzień hatova, i jak heta ŭjaŭlaje biełaruski bok, — skazaŭ jon. — Takaja praca ŭžo idzie kožny dzień», — dadaŭ Kudryn.
Raniej Kudryn kazaŭ, što Rasija hatova akazać dapamohu Biełarusi ŭ suviazi z kryzisam u krainie, ale tolki ŭ tym vypadku, kali ŭrad respubliki budzie hatovy na minimalnyja reformy — skaračeńnie biudžetnych raschodaŭ i pryvatyzacyju.
Raniej Alaksandr Łukašenka nie raz śćviardžaŭ, što krytyka parušeńniaŭ pravoŭ čałavieka ŭ Biełarusi Zachadam, a taksama ekanamičnyja sprečki z Rasijaj vyklikanyja zajzdraściu kiraŭnikoŭ inšych krain da ekanamičnych i sacyjalnych pośpiechaŭ Biełarusi.
Sukupnaja zamiežnaja zapazyčnaść Biełarusi składaje na siońnia bolš za 30 młrd dalaraŭ. Na 1 studzienia 2011 hoda jon dasiahaŭ 28,5 młrd dalaraŭ. Naviejšych źviestak pakul niama, ale, kali mierkavać pa tempie rostu dziaržaŭnaha składnika doŭhu, sukupny za hety čas pieravaliŭ za 30 miljardaŭ.
Apošnija čatyry hady zamiežnaja zapazyčanaść rasła ŭ tempie ŭ siarednim na 5,5 młrd dalaraŭ za hod — z 6,8 miljarda na 1 studzienia 2007 hoda da 28,5 młrd na 1 studzienia 2011. Pik vypłataŭ pa pieršych łukašenkaŭskich kredytach prypadaje na 2011‑2012 hady.
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach7
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary