Maskva Biełarusi nie vyciahnie, miarkuje šviedski ministr zamiežnych spraŭ.
U Polskim instytucie mižnarodnych adnosinaŭ u Varšavie ekśpierty, palityki i dypłamaty sustrelisia, kab pahavaryć pra jeŭrapiejskuju palityku dobrasusiedstva. Hałoŭnym hościem mierapryjemstva byŭ šviedski ministr zamiežnych spravaŭ Karł Bilt. Naturalnym čynam pytańnie Biełarusi było ŭ centry ŭvahi.
Bilt: «Va „Uschodnim partniorstvie“ istotna, kab my trymalisia pryncypu „bolš za bolš“ i „mienš za mienš“ — kali chtości idzie na reformy, to jon maje bolš padtrymki i mahčymaściaŭ, i naadvarot. Havoračy pra „mienš za mienš“, majem vidavočny prykład — Biełaruś. Asoba, jakaja prymaje rašeńni ŭ Miensku, vybrała iści ŭ inšym nakirunku, navat nie iści, a padać uniz. I heta adpaviedna adbiłasia na našych mahčymaściach dapamahać z reformami i intehracyjaj Biełarusi ŭ jeŭrapiejskuju supolnaść. Heta jeŭrapiejskaja kraina, u jakoj, adnak, aŭtarytarny režym, a heta niesumiaščalna. Ja dumaju, heta źmienicca — i našaja prapanova lažyć na stale ŭ Miensku. Adnačasna my vyrazna kažam, što dla nas niedapuščalna: palityčnyja viaźni, palityčny pieraśled, jaki my bačym siońnia».
Ci ličyć ministr metazhodnym uviadzieńnie ahulnych ekanamičnych sankcyjaŭ suprać Biełarusi?
Bilt: «Kropkavyja ekanamičnyja sankcyi — tak. Ale ciapier adna z hałoŭnych prablemaŭ, ź jakoj sutyknułasia kraina — heta vielmi, vielmi vialiki ekanamičny chaos. Heta było b nie tak strašna, kali b Biełarusi mieła inviestaraŭ, zamiežnych partnioraŭ, była nadziejnaj dla kredytavańnia krainaj i mahła b atrymać hrošy pad razumny adsotak. Ja nie mušu tłumačyć, što pra apošniaje možna zabycca, bo chto choča ŭkładać hrošy ŭ Łukašenku? Nichto! Kiraŭnictva Biełarusi spadziajecca, što Maskva ich ciapier vyciahnie. Ale, mnie padajecca, Maskva nie zrobić hetaha. Napeŭna nie ŭ daŭžejšej pierśpiektyvie. Bo nichto, jašče raz padkreślu, nie choča ŭkładać hrošy ŭ čornuju dzirku, jakoj źjaŭlajecca Biełaruś. Nichto — ci to z zachadu, ci to z uschodu. Nieŭzabavie ŭ Łukašenki nie zastaniecca varyjantaŭ — jon budzie vymušany źviarnucca pa dapamohu da mižnarodnych instytutaŭ. ZŠA nie mohuć dapamahać Biełarusi
my pastavim vielmi žorstkija ŭmovy i pilna prasočym za pavodzinami ŭładaŭ. Biełaruś u vielmi, vielmi adčajnym ekanamičnym stanie. Aproč taho, ja pierakanany, što ŭviadzieńnie ahulnych ekanamičnych sankcyjaŭ pieradusim adbiłasia b na zvyčajnych ludziach».
Paŭstała i pytańnie ab praviadzieńni ŭ Biełarusi čempijanatu śvietu pa chakiei. Cikava, što prahučała jano ad pradstaŭnicy finskaj ambasady ŭ Polščy.
Spadarynia: «Čamu b nam nie pasprabavać štości kreatyŭnaje, jak, naprykład, chakiejnaja dypłamatyja? Mahčyma my mahli b pazbavić Biełaruś čempijanata śvietu pa chakiei? Moža heta było b adčuvalna, bo kažuć, što Alaksandr Łukašenka vialiki entuzijast hetaha sportu».
Bildt: «U mianie zakradvajucca padareńni, što Finlandyja choča prosta sama pravieści hety čempijanat (śmiech na efiekcie). Kali surjozna, ja nie vielmi vieru ŭ spartovuju dypłamatyju. A navat kali b heta mahło akazać uździejańnie, to nie ja takoje rašeńnie mahu pryniać, a Mižnarodnaja fiederacyja chakieju. Ale kali jany vyrašać admianić mierapryjemstvy ŭ Miensku, ja dakładna nie budu tym, chto budzie mocna supraciŭlacca takomu rašeńniu».
Taja ž spadarynia z ambasady Finlandyi zadała napaŭrytaryčnaje pytańnie: «Kolki jašče na mapie Jeŭropy budzie čyrvonaja plama režymu Łukašenki?»
Bildt: «Jak doŭha heta budzie praciahvacca? Dziakuj za pytańnie! (śmiech z efiektu) Niekalki rečaŭ absalutna peŭnyja:
da hetaha času kožny čałaviek byŭ śmiarotny. I ja nie dumaju, što Łukašenka stanie pieršym, chto budzie žyć viečna. (śmiech) Tamu napeŭna nadydzie momant, kali Biełaruś budzie postłukašenkaŭskaj. Ja nie hatovy adkazać, adbudziecca heta zaŭtra ci praź dziesiać hod. Ale ja dakładna viedaju adno: my musim być hatovyja da hetaha momantu, kab dapamahčy ŭ pierachodny pieryjad z reformami ekanomiki, palityčnaj sistemy, pierachodu da inšaj sistemy vartaściaŭ».
Kamientary