Prakuratura zacikaviłasia teledebatami Šuškieviča z Žyrynoŭskim — videa
Staršynia Viarchoŭnaha Savieta 12 sklikańnia Stanisłaŭ Šuškievič razam sa svaim advakatam naviedaŭ 18 maja prakuraturu Minska. Tudy palityka vyklikali ŭ suviazi ź jahonymi vykazvańniami ŭ interniecie, jak paviedamlali ŚMI.
«Ničoha nie było takoha, čym možna było b aburacca, — raskazaŭ „Biełaruskamu partyzanu“ Stanisłaŭ Šuškievič. — Hety čałaviek (ja navat proźvišča jaho zabyŭsia) vioŭ siabie vielmi karektna. Usie pytańni tak ci inakš datyčylisia majho televizijnaha pajadynku z Žyrynoŭskim. Pytalisia, ci praŭda, što ja heta havaryŭ. Ja adkazaŭ, što z taho času maje pohlady nie źmianilisia, chacia ŭvieś „Pajadynak“ zapisany na videa».
Stanisłaŭ Šuškievič admoviŭsia padpisać pastanovu ab nierazhałošvańni, adnak daŭ słova, što nie budzie razhałošvaj detali hetaj «hutarki».
Jak raniej paviedamlałasia, teledebaty ŭ prahramie RTR «Pajadynak» pamiž Stanisłavam Šuškievičam i lideram ŁDPR adbylisia 14 krasavika.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada15
Kamientary