Paštoŭki na adras biełaruskich palitviaźniaŭ sa słovami salidarnaści ŭśled za muzykam Juryjem Šaŭčukom padpisali papularny televiadučy kanała STS Michaił Šac i znakamity žurnalist i muzyčny krytyk Arciemij Troicki.
«Ja liču, što vialikaje ščaście vykazvać svaje pierakanańni i rabić heta na svabodzie. Ja ŭpeŭnieny ŭ tym, što tyrany prychodziać i sychodziać, a čałaviečyja siła, viera i pierakanańni zastajucca. Mahu tolki skazać ludziam, jakija ciapier u turmie — vaša siła ŭ praŭdzie, i tam ža vaš prytułak. Jašče raz — chutkaha vyzvaleńnia!» — pažadaŭ biełaruskim palitviaźniam M.Šac.
«Sprava ŭ tym, što dziaržaŭnaja mašyna vielmi strašnaja, žorstkaja… I kali zvyčajny čałaviek uvachodzić u kanfliktny kantakt z hetaj dziaržaŭnaj mašynaj, jon značna mienšy i słabiejšy. Ale jaho moža padtrymać adno — salidarnaść, nieabyjakavaść inšych ludziej. Kali jon budzie adčuvać padtrymku, čałaviečuju enierhiju, to ŭsio budzie ŭ paradku niahledziačy na ŭsie niahody», — ličyć A.Troicki.
Raniej z padobnym pasłańniem da biełarusaŭ vystupiŭ lehiendarny muzyka Juryj Šaŭčuk.
Ciapier čytajuć
Baćka sa Słucka paprasiŭ dziaržavu zabrać jaho dziaciej dziela adnaŭleńnia maralnych sił1
Kamientary