Na dumku Zaiki, ułady nie reahavali na situacyju i nasielnictva pačało samo vyrašać finansavaje pytańnie.
«My majem dziŭnuju situacyju, kali davier nasielnictva da rubla ŭpaŭ da minimumu, — kaža ekanamist Leanid Zaika. — Niejkija hrošy ŭ nasielnictva jašče zachavalisia, ale asnoŭnaja častka [nasielnictva] vydatna vyhrabła ŭsie tavary z mahazinaŭ, kuplajučy navat sol i zapałki. Kali heta nie trahična, to, prynamsi, simptamatyčna dla Biełarusi».
U krainie, na dumku Zaiki, adbyvajecca niebiaśpiečnaja źjava — paharšeńnie manietarnaj palityki, kali ni ŭłady nie reahavali na situacyju na valutnym rynku krainy i nasielnictva pačało samo vyrašać finansavaje pytańnie. «Nasielnictva stała samo mianiać dołary, rubli, — zaznačyŭ jon. — Cudoŭna, što stali ŭźnikać ułasnyja instytuty finansavych pasrednikaŭ — kali nie pracuje dziaržava, pačynaje pracavać nasielnictva».
Samaje strašnaje, na dumku kiraŭnika analityčnaha centra, — kali nasielnictva pačnie zdymać hrošy z depazitnych rachunkaŭ, što padkreślić usieahulnuju niaŭpeŭnienaść va ŭłasnaj valucie.
Devalvacyja biełaruskaha rubla na 56,3%, jakaja adbyłasia 24 maja, — heta «prosta sproba nazvać niejkuju vieličyniu, ad jakoj možna «tancavać, jak ad piečki», zaznačyŭ Zaika, ale hetaja sproba «vielmi zapoźnienaja».
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Pobač z Łukašenkam na chakiei źjaviłasia novaja pryhažunia10
Kamientary