U Kapienhahienie prajšła sustreča pradstaŭnikoŭ pracoŭnaj hrupy Parłamienckaj asamblei Arhanizacyi pa biaśpiecy i supracy ŭ Jeŭropie pa Biełarusi. Na joj raspracoŭvałasia rezalucyja, jakaja maje być pryniata na siesii asamblei ABSIE ŭ Białhradzie 6 lipienia.
Kiraŭnica pracoŭnaj hrupy pa Biełarusi niamieckaja deputatka ad sacyjał-demakrataŭ Uta Capf prapanavała rezalucyja, nakiravanuju na «adnaŭleńnie dyjałohu» ź Minskam. Rezalucyja zaklikaje Biełaruś vyzvalić palitźniavolenych pa spravie 19 śniežnia. Taksama prapanujecca skiravać Minsku zaklik dazvolić palityčnym źniavolenym kansultavacca ź jurystami, sustrakacca ź siemjami, atrymlivać miedycynskuju dapamohu; dazvolić ujezd u krainu niezaležnym ekśpiertam, pryznačanym u miežach Maskoŭskaha miechanizmu; raźvivać zakanadaŭstva ŭ śfiery ŚMI ŭ adpaviednaści ź mižnarodnymi abaviazacielstvami krainy.
Kamientary