Umovy ŭ PKT nabližany da kamiery ŭ SIZA na Vaładarskaha.
Lidar mižnarodnaj maładziožnaj arhanizacyi «Małady front» (Čechija) Źmicier Daškievič pieraviedzieny sa štrafnoha izalatara kałonii ŭ Horkach (Mahiloŭskaja vobłaść) u pamiaškańnie kamiernaha typu (PKT). Pra heta jon paviedamiŭ u liście svajoj niavieście Anastasii Pałažancy.
«Heta bolš miakkaje ŭtrymańnie, čym u štrafnym izalatary, u jakim amal dva miesiacy znachodziŭsia Źmicier, — ličyć Pałažanka. —
U PKT jon moža čytać, pisać listy.Heta značyć umovy ŭ PKT nabližany da kamiery ŭ SIZA na Vaładarskaha».
Daškievič u pieršym liście Pałažancy napisaŭ: «Mnie dazvolili pisać, što ŭ mianie ŭsio dobra! Pišu: u mianie ŭsio dobra!»
«Ja viedaju Źmitra, i dadatkovych słoŭ, kab zrazumieć toje, što jon chacieŭ źmiaścić tut, mnie nie treba. Usie, chto
Jana paviedamiła, što atrymała ad Źmitra dva listy adnačasova. «U druhim liście Daškievič piša, što, mahčyma, pieravodam jaho ŭ SIZA i PKT administracyja kałonii rychtuje ŭ dačynieńni da jaho jašče adnu spravu — na padstavie artykuła 411 Kryminalnaha kodeksa Biełarusi (złosnaje niepadparadkavańnie patrabavańniam administracyi papraŭčaj ustanovy, što vykonvaje pakarańnie ŭ vyhladzie pazbaŭleńnia voli). Sankcyi zhodna z hetym artykułam praduhledžvajuć pazbaŭleńnie voli da dvuch hadoŭ», — adznačyła Pałažanka.
Pavodle jaje słoŭ,
Daškieviču zabaranili atrymańnie pieradač i abmiežavali mahčymaść štości nabyvać u miascovym mahazinie, dazvoliŭšy tracić tolki 35 tysiač rubloŭ da kanca ŭsiaho terminu.«Daškievič taksama paviedamiŭ, što da jaho nichto nie źviartaŭsia ni ź jakimi prašeńniami ab pamiłavańni, ale dadaŭ:
«Ja niezdarma ŭziaŭ hety kryž, kab tak prosta zdavacca», —skazała niaviesta palityka.
Źmicier Daškievič razam z aktyvistam «Maładoha frontu» Eduardam Łobavym byli zatrymany ŭ Minsku za dzień da prezidenckich vybaraŭ, 18 śniežnia 2010 hoda. Ich abvinavacili ŭ źbivańni dvuch minčan. Zatrymańnie maładych palitykaŭ pradstaŭniki apazicyi i pravaabaroncy rascanili jak previentyŭnuju mieru milicyi napiaredadni vybaraŭ i padrychtoŭku akcyi apazicyi. 24 sakavika sud pryhavaryŭ Daškieviča da dvuch hadoŭ pazbaŭleńnia voli z adbyvańniem pakarańnia ŭ kałonii ahulnaha režymu.
Kamientary