Умовы ў ПКТ набліжаны да камеры ў СІЗА на Валадарскага.
Лідар міжнароднай маладзёжнай арганізацыі «Малады фронт» (Чэхія) Зміцер Дашкевіч пераведзены са штрафнога ізалятара калоніі ў Горках (Магілёўская вобласць) у памяшканне камернага тыпу (ПКТ). Пра гэта ён паведаміў у лісце сваёй нявесце Анастасіі Палажанцы.
«Гэта больш мяккае ўтрыманне, чым у штрафным ізалятары, у якім амаль два месяцы знаходзіўся Зміцер, — лічыць Палажанка. —
У ПКТ ён можа чытаць, пісаць лісты.Гэта значыць умовы ў ПКТ набліжаны да камеры ў СІЗА на Валадарскага».
Дашкевіч у першым лісце Палажанцы напісаў: «Мне дазволілі пісаць, што ў мяне ўсё добра! Пішу: у мяне ўсё добра!»
«Я ведаю Змітра, і дадатковых слоў, каб зразумець тое, што ён хацеў змясціць тут, мне не трэба. Усе, хто
Яна паведаміла, што атрымала ад Змітра два лісты адначасова. «У другім лісце Дашкевіч піша, што, магчыма, пераводам яго ў СІЗА і ПКТ адміністрацыя калоніі рыхтуе ў дачыненні да яго яшчэ адну справу — на падставе артыкула 411 Крымінальнага кодэкса Беларусі (злоснае непадпарадкаванне патрабаванням адміністрацыі папраўчай установы, што выконвае пакаранне ў выглядзе пазбаўлення волі). Санкцыі згодна з гэтым артыкулам прадугледжваюць пазбаўленне волі да двух гадоў», — адзначыла Палажанка.
Паводле яе слоў,
Дашкевічу забаранілі атрыманне перадач і абмежавалі магчымасць штосьці набываць у мясцовым магазіне, дазволіўшы траціць толькі 35 тысяч рублёў да канца ўсяго тэрміну.«Дашкевіч таксама паведаміў, што да яго ніхто не звяртаўся ні з якімі прашэннямі аб памілаванні, але дадаў:
«Я нездарма ўзяў гэты крыж, каб так проста здавацца», —сказала нявеста палітыка.
Зміцер Дашкевіч разам з актывістам «Маладога фронту» Эдуардам Лобавым былі затрыманы ў Мінску за дзень да прэзідэнцкіх выбараў, 18 снежня 2010 года. Іх абвінавацілі ў збіванні двух мінчан. Затрыманне маладых палітыкаў прадстаўнікі апазіцыі і праваабаронцы расцанілі як прэвентыўную меру міліцыі напярэдадні выбараў і падрыхтоўку акцыі апазіцыі. 24 сакавіка суд прыгаварыў Дашкевіча да двух гадоў пазбаўлення волі з адбываннем пакарання ў калоніі агульнага рэжыму.
Каментары