Jak niezaležnyja prafsajuzy aceńvajuć siońniašniuju situacyju ŭ Biełarusi?
U krainie sacyjalna-ekanamičny kryzis. Devalvacyja nacyjanalnaj valuty pryviała da taho, što z pačatku hoda zarobki pracaŭnikoŭ (u dołaravym ekvivalencie) ŭpali ŭ 2 razy, rezka vyraśli košty. Inflacyja z pačatku hoda skłała 41%. Pavialičyłasia prorva pamiž dachodami biełarusaŭ i žycharoŭ krain-susiedziaŭ. Raniej aficyjoz "rabiŭ pijar" na hetaj temie, zajaŭlajučy, jaki vysoki ŭ Biełarusi ŭzrovień zarobkaŭ, piensij. Ciapier ab hetym maŭčać, bo u RF siaredniaja zarpłata ŭ 3 razy vyšejšaja za biełaruskuju, a ceny na mnohija tavary ŭ Biełarusi nablizilisia da rasijskich (naprykład, na pradukty charčavańnia). U paraŭnańni z susiednimi krainami ES kantrast jašče macniejšy: kali biełarus atrymlivaje mienš za 300, to litoviec - $ 1,1 tys., palak - kala $ 1,4 tys. Da našaha soramu i hańby, Biełaruś pa ŭzroŭni zarobkaŭ apuściłasia na apošniaje miesca ŭ Jeŭropie, paciaśniŭšy ź jaho šmatpakutnuju Małdovu.
U pracoŭnych kalektyvach biełaruskich pradpryjemstvaŭ - i heta fakt - naśpieła surjoznaja niezadavolenaść kursam, jaki pravodzicca ŭładami. Jana nie vylivajecca ŭ masavyja pratesty šmat u čym tamu, što dziejničaje rabskaja sistema terminovych pracoŭnych kantraktaŭ i ludzi banalna bajacca zvalnieńniaŭ z usimi vynikajučymi z hetaha va ŭmovach kryzisu nastupstvami.
Siońnia vidavočna: ekanamičny kurs biełaruskich uładaŭ paciarpieŭ bankructva. Ciapierašniaja kamandna-administracyjnaja madel kiravańnia ekanomikaj pavinna być zamieniena cyvilizavanaj rynkavaj. FPB vusnami svajho kiraŭnictva ahučyła aryhinalny sposab mabilizacyi hramadstva ŭ kryzisny pieryjad - vyłučyć prezidenta Łukašenki na atrymańnie Nobieleŭskaj premii. Naležnym čynam aceńvajučy čorny humar našych kaleh-apanientaŭ, my patrabujem ad imia ŭsich pracoŭnych inšaje - pryncypovaj źmieny sacyjalna-ekanamičnaj palityki, vypracoŭki novaha ekanamičnaha kursu, jaki zabiaśpiečvaje adnaŭleńnie ŭzroŭniu dachodaŭ pracoŭnych.
Jakija prapanovy niezaležnych prafsajuzaŭ pa vychadu z najaŭnaj situacyi?
U traŭni BKDP pryniaŭ zajavu z patrabavańniem adstaŭki ŭradu, dziejańni jakoha pryviali da samoha vostraha ekanamičnaha kryzisu ŭ sučasnaj historyi dziaržavy.
Pierad biełaruskimi ŭładami staić niaprosty vybar, i heta vybar pamiž drennym i vielmi drennym. Pieršy varyjant - ciažki, ale adkryvaje krainie pierśpiektyvu - rašycca na ekanamičnuju libieralizacyju, sistemnyja reformy, raźvićcio małoha i siaredniaha biznesu H.zn. prachodžańnie taho šlachu, jaki prajšli postsavieckija krainy, u tym liku i Rasija ŭ 90-ch. Druhi varyjant - sprabavać łatać dziury zbankrutavałaj kamandna-administracyjnaj sistemy, śpisvać ŭźnikłyja ekanamičnyja prablemy na asobnyja pamyłki vysokapastaŭlenych čynoŭnikaŭ i da t.p. Padobna, ułady nie zdolnyja na mužny krok i abrali druhi šlach, nie žadajučy realnych ekanamičnych pieraŭtvareńniaŭ, usprymajučy ich jak pahrozu isnavańniu aŭtarytarnaj palityčnaj sistemy.
Znoŭ uziała vierch łohika: "noč prastajać dy dzień pratrymacca", pierachapić kredyty ŭ Rasii, JeŭrAzES, MVF. Usio heta viadzie, u kančatkovym vyniku, da jašče bolšaj straty času, da najciažejšych nastupstvaŭ, jakija niepasilnym ciažaram lahuć na plečy pracoŭnych, usiaho nasielnictva krainy. My zaklikajem ułady, pakul nie pozna - zrabić daŭno naśpiełyja zachady pa libieralizacyi, pierachodu da rynkavaj ekanomiki. Ale pakul niama prykmiet, jakija paćviardžajuć ich hatoŭnaść admovicca ad archaičnaha ŭ XXI stahodździ "ručnoha" kiravańnia ekanomikaj i ažyćciavić nieabchodnyja pieraŭtvareńni.
Kali situacyja budzie raźvivacca pa niespryjalnaha scenary, niezaležnyja prafsajuzy buduć zaklikać da akcyj pratestu?
BKDP pryncypova suprać śpiekulacyj na prablemach, narodžanych sacyjalna-ekanamičnaj palitykaj uładaŭ. Zaklik da masavaha vychadu pracoŭnych u hety momant - tanny, niedarečny papulizm. Ale kali my nie ŭbačym ź ich boku namieru vypracavać i realizavać adkaznuju prahramu dziejańniaŭ pa vychadzie z najciažejšaha ekanamičnaha kryzisu, u jaki jany kinuli krainu, to pakidajem za saboj prava na lubyja dziejańni pa abaronie zakonnych pravoŭ i intaresaŭ pracoŭnych, adekvatnyja toj situacyi, jakaja skłałasia ŭ krainie.
-
«Vy viedajecie, što bolšaść biełarusaŭ ličać vas nikčemnymi chałujami?»
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
Pobač z Łukašenkam na chakiei źjaviłasia novaja pryhažunia10
Kamientary