Pradstaŭniki mahiloŭskaha abłasnoha kamiteta dapamohi palitźniavolenym 9 vieraśnia naviedali papraŭčuju kałoniju №17 u Škłovie.
Jak paviedamili mahiloŭski pravaabaronca Barys Buchiel i aktyvistka hramadzianskaj kampanii «Naš dom» Kryścina Šacikava, da ich źviarnulisia svajaki źniavolenych pa spravie ab masavych biesparadkach u Minsku 19 śniežnia ź infarmacyjaj ab ucisku, jaki akazvajecca na ich svajakoŭ u hetaj kałonii. Metaj pajezdki było vyśviatleńnie spraviadlivaści hetych śćviardžeńniaŭ, a taksama pytańnia, čamu ad źniavolenych Mikałaja Statkieviča, Dźmitryja Novika, Alaksandra Kłaskoŭskaha i Uładzimira Łobana nie dachodzić infarmacyja.
Delehacyja składałasia z čatyroch čałaviek — Barysa Buchiela, Antona Ivanova, Kryściny Šacikavaj i Maryi Vajnovaj, adnak načalnik kałonii Siarhiej Jermalicki pahadziŭsia pahutaryć tolki z Buchielem.
«Pavodle słoŭ načalnika, ni ŭ kaho z palitźniavolenych niama spahnańniaŭ; ucisk z metaj napisańnia prośbaŭ ab pamiłavańni ni na kaho nie akazvajecca, staŭleńnie da palitźniavolenych takoje ž, jak da ŭsich», — skazaŭ Buchiel. Jon taksama zaznačyŭ, što, pavodle śćviardžeńnia Jermalickaha, sustreč sa svajakami nie adbyvajecca tamu, što źniavolenyja nie źviartajucca z adpaviednymi prośbami.
Kryścina Šacikava zajaviła, što maci Dźmitryja Novika chacieła naviedać syna na jaho
joj było admoŭlena pa pryčynie nakładańnia spahnańnia na Dźmitryja za parušeńnie rasparadku.
«Jermalicki zajaviŭ, što charčavańnie ŭ źniavolenych dobraje: «sami praviarajem», — paviedamiŭ Buchiel.
Što da nizkaj zarpłaty Statkieviča (kala 18 tys. rubloŭ u miesiac), to, pavodle słoŭ načalnika kałonii, heta zastajecca paśla roznaha kštałtu vyličeńniaŭ — u pryvatnaści, za achovu i charčavańnie.Razam z tym načalnik kałonii paćvierdziŭ, što Statkievič zaraz nie pracuje
Pavodle słoŭ pravaabaroncy,
Jermalicki zajaviŭ, što sustrakajecca z pradstaŭnikami kamiteta «ŭ pieršy i apošni raz» i z presaj jon taksama nie maje namieru sustrakacca.
Pa vynikach vizitu ŭ kałoniju Kryścina Šacikava napisała dźvie skarhi. Adna tyčycca admovy Jermalickaha pryniać jaje, u druhoj havorka idzie pra staršaha inśpiektara hrupy režymu sakretnaj dziejnaści Juliju Dziadkovu, jakaja admoviłasia paviedamić infarmacyju ab časie pryjomu hramadzian načalnikam kałonii.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja64
Kamientary