Hrašovyja dachody biudžetnikaŭ za žnivień indeksujucca na 55,1%

Hrašovyja dachody, što atrymlivajucca ź biudžetnych krynicaŭ, za žnivień indeksujucca na 55,1%, paviedamlaje Ministerstva pracy i sacyjalnaj abarony.

Da takich dachodaŭ adnosiacca: zarabotnaja płata; hrašovaje zabieśpiačeńnie vajskoŭcaŭ terminovaj słužby, kursantaŭ vajenna-navučalnych ustanoŭ i suvoraŭcaŭ; zarabotnaja płata dziaržaŭnych słužačych i pryraŭnavanych da ich asob; hrašovaje zabieśpiačeńnie vajskoŭcaŭ i asob radavoha i načalnickaha składu; dziaržaŭnyja stypiendyi vučnioŭskaj moładzi.

Rašeńnie pryniata ŭ suviazi z tym, što indeks spažyvieckich cen za žnivień 2011 hoda pieravysiŭ piacipracentny paroh da červienia 2011 hoda — momantu papiaredniaj indeksacyi, paviedamlaje Minpracy i sacabarony.

Dapamohi i stypiendyi biespracoŭnym u pieryjad prafiesijnaj padrychtoŭki, pierapadrychtoŭki i pavyšeńnia kvalifikacyi pa nakiravańni orhana pa pracy, zaniataści i sacyjalnaj abaronie haradskoha, rajonnaha vykanaŭčaha kamiteta

indeksujucca na 110,7%.

Jak prakamientavali ŭ ministerstvie, indeksacyja ažyćciaŭlajecca zhodna z narmatyvam, ustanoŭlenym ukazam prezidenta ad 28 studzienia 2006 hoda № 55. Indeksujecca dachod u miežach 442 tysiač 360 rubloŭ (100% zaćvierdžanaha biudžetu pražytačnaha minimumu ŭ siarednim na dušu nasielnictva, jaki dziejničaje na momant indeksacyi). Častka dachodu, jakaja pieravyšaje 442 tys. 360 rubloŭ, indeksacyi nie padlahaje.

Nasielnictvu, jakoje atrymlivaje dachody na terytoryi Biełarusi ź inšych krynicaŭ, kampiensacyja strataŭ ad inflacyi ažyćciaŭlajecca na padstavach, praduhledžanych kalektyŭnymi dahavorami (pahadnieńniami). Kali kalektyŭny dahavor utrymlivaje pałažeńnie ab indeksacyi zarabotnaj płaty ŭ adpaviednaści z zakanadaŭstvam, to prymianiajecca miechanizm indeksacyi, praduhledžany dla rabotnikaŭ biudžetnaj śfiery. U hetym vypadku indeksacyja robicca ŭ vyhladzie adnarazovaha pierahladu pamieraŭ apłaty pracy abo šlacham aŭtamatyčnaj karekciroŭki zarabotnaj płaty ŭ miežach ustanoŭlenaha zakanadaŭstvam narmatyvu na indeks spažyvieckich cen, značeńnie jakoha raźličvajecca narastajučym vynikam da bazavaha miesiaca — miesiaca pavyšeńnia pamieraŭ apłaty pracy.

Adnak ustanoŭleny arhanizacyjaj miechanizm indeksacyi moža adroźnivacca ad ustanoŭlenaha zakanadaŭstvam. U hetym vypadku arhanizacyja samastojna vyznačaje ŭmovy indeksacyi i paradak jaje praviadzieńnia, a taksama narmatyŭ indeksacyi, paviedamlaje ministerstva.

• 0
• 0
• 0
• 0
• 0
• 0
• 0
• 0