«Lapisy» i «Trojca» u topie najlepšych albomaŭ paŭhodździa

Sajt experty.by apublikavaŭ rejtynh albomaŭ, vypuščanych u pieršym paŭhodździ 2011 hoda. Na pieršym miescy apynuŭsia albom etna-trya «Trojca» «Zimačka», druhoje miesca zaniali «Lapis Trubiackoj» z albomam «Viesiołyje kartinki».

Uvieś TOP-10 vyhladaje tak:

1. Trojca «Zimačka» — 9,50

2. Lapis Trubiackoj «Viesiełyje kartinki» — 9,00

3. Akute «Dzievački i kosmas» — 8,25

4. Siarebranaje Viasielle «Sierdiečnaja muskułatura» — 8,25

5. Piatla Prystraścija «Hipnopiedija» — 7,50

6. Źmicier Vajciuškievič «Čara» — 7,50

7. Sounduk «Tom piervyj» — 7,25

8. B_Side «Smooth Season» — 7,25

9. Rockerjoker «Prodajetsia płanieta» — 7,25

10. Kałačykam Riadom «Chołoda» — 7,25

Biełaruskaja muzyka, nakolki b raznastajnaj jana nie zdavałasia (naminalna ŭ nas prysutničaje bolšaść papularnych muzyčnych stylaŭ), usio ž taki prabuksoŭvaje. U lidarach zastajucca etna i rok. Pryčym, kali etna ŭ nas vielmi šmat i roznaha, z rok-muzykaj troški składaniej.

Čamu pieramahli «Lapisy».

spałučeńnie «vielmi patrebnych i svaječasovych» tekstaŭ, mocnaha stadyjonnaha zapału i muzyčnaha majsterstva, zrabili z «Lapisaŭ» hałoŭny hurt Biełarusi: ciapier jany mohuć zapisvać što zaŭhodna — usio adno jano budzie aŭtamatyčna prachodzić pa katehoryi «našaje ŭsio».

U «Trojcy» kankurencyja macniejšaja, čym u «Lapisaŭ» — etna-kalektyvaŭ (ad raskošnych da nieprałazna drennych) u Biełarusi sotni. Adnak praca z materyjałam u vypadku Kirčuka i kampanii nastolki tonkaja i pradumanaja da kožnaj noty, što ich možna biez prablem zaprašać na luby fiestyval — choć razam z Tinariwen, choć z U2. Kali šarahovyja słuchačy, što mała cikaviaca etnikaj, mohuć i nie ŭspryniać «Trojcu», dyk siarod prafiesijnych muzykantaŭ, jakija da Biełarusi i dačynieńnia nie majuć, Kirčuk karystajecca takim popytam i pavahaj, što luby inšy biełaruski muzyka moža pra takoje tolki maryć.

Kožny nastupny albom «Trojcy» lepšy za papiaredni, tamu i padumać strašna, čym heta moža skončycca.

Tamu zrušyć takich mastadontaŭ, jak «Lapisy» i «Trojca» ź pieršych miescaŭ chit-paradu prosta nierealna. Pry hetym, kab za pieršyja šeść miesiacaŭ novy albom vypuścili «Niejra Dziubiel», jany b uvajšli ŭ Top-10. Kab vypuściła «Krama» — uvajšła b i jana.

U sioletniem śpisie ździŭlacca asabliva niama čamu — chto sumniavaŭsia, što tam buduć «Sieriebrianaja svad́ba», Vajciuškievič, Sounduk (bo jaho ŭsprymajuć usio adno jak «Dziecidziaciej»), Rockerjoker i Akute?

Šanoŭnych ekśpiertaŭ abvinavacić niama ŭ čym — tut niama hustaŭščyny, ci prasoŭvańnia «svaich» — muzykanty ź pieršych miescaŭ sami kaho zaŭhodna mohuć prasunuć na scenu i navat u top. Adnak my možam skazać, što muzyčnaja situacyja zamknułasia ŭ sabie. I vyšejpieraličanyja metry, mała taho, što ŭžo žyvyja kłasiki, dyk jašče i lidary muzyčnaha žyćcia, a heta kaža nie na karyść muzyčnaha pracesu.

• 0
• 0
• 0
• 0
• 0
• 0
• 0
• 0