Vajennaja prakuratura admoviła ŭ raspačynańni kryminalnaj spravy pa fakcie zajavy Sańnikava ab katavańniach u SIZA KDB
Biełaruskaja vajennaja prakuratura admoviła RHA «Biełaruski Chielsinkski kamitet» (BCHK) u raspačynańni kryminalnaj spravy pa fakcie zajavyeks-kandydata ŭ prezidenty Andreja Sańnikava ab katavańniach, što prymianialisia da jaho ŭ śledčym izalatary KDB.
Jak paviedamlaŭ BiełaPAN, pravaabaroncy prasili vajennuju prakuraturu pravieści pravierku zajavy Sańnikava i raspačać kryminalnuju spravu pa prykmietach artykułaŭ, jakija praduhledžvajuć adkaznaść za pieravyšeńnie słužbovych paŭnamoctvaŭ i prymianieńnie nasilla asobami ŭ aficyjnym statusie; pryciahnuć da adkaznaści vinavatych i paviedamić ab vynikach pravierki.
Jak vynikaje z adkazu śledčaha pa važniejšych spravach śledčaha adździeła vajennaj prakuratury Andreja Chalimava, u raspačynańni kryminalnaj spravy admoŭlena
Što da materyjałaŭ pravierki pa fakcie zajavy Sańnikava, to jany źjaŭlajucca sakretnymi ŭ suviazi z najaŭnaściu ŭ ich «źviestak, jakija składajuć tajnu, što achoŭvajecca dziejnym zakanadaŭstvam «, infarmuje śledčy.
Kamientujučy situacyju, staršynia BCHK Aleh Hułak zajaviŭ: «Taki adkaz nas nie moža zadavolić. Ź jaho nie bačna, nakolki surjozna ažyćciaŭlałasia pravierka, što było ŭstanoŭlena ŭ chodzie jaje i da jakich vysnoŭ pryjšło śledstva».
Akramia taho, pavodle słoŭ Hułaka, BCHK «nie zadavalniaje toje, što, na dumku śledčaha Chalimava, materyjały pravierki źjaŭlajucca sakretnymi». «Zhodna ź biełaruskim zakanadaŭstvam „nie mohuć być abmiežavany dostup da infarmacyi, raspaŭsiudžvańnie i (abo) pradastaŭleńnie infarmacyi: ab pravach, svabodach i zakonnych intaresach fizičnych asob; ab stanie złačynnaści, a taksama ab faktach parušeńnia zakonnaści“ (artykuł 16 Zakona ab infarmacyi). BCHK budzie dabivacca dostupu da infarmacyi ab vynikach hetaj pravierki», — zajaviŭ kiraŭnik pravaabarončaj arhanizacyi.
Kamientary