Pavodle dadzienych Hienieralnaha konsulstva Respubliki Polšča, sioleta žycharam Hrodzienskaj vobłaści było adkryta na 30% vizaŭ bolš, čym letaś.Analiz pryčyn, jakija nazyvajucca ŭ hrafie «meta», pakazvaje, što prykładna dźvie traciny ŭsich aformlenych vizaŭ adkryvałasia z metaj «pa pakupki». U konsulstvie hetamu nie dziviacca, bo takaja meta pajezdki dazvalaje biez zaprašeńnia i daviedki z polskich hipiermarkietaŭ aformić šmatrazovy «šenhien», piša hazieta «Viačerni Hrodna». Druhuju pazicyju pa masavaści zajmajuć pracoŭnyja vizy. Treciaja hrupa — doŭhaterminovyja nacyjanalnyja vizy. A voś vizy, u jakich meta pajezdki «turyzm», apynulisia ŭ absalutnym mienšaści — mienš za 1% siarod usich aformlenych u Hrodnie.
Darečy, z 15 vieraśnia zarehistravać ankietu na polskuju vizu možna tolki ŭ elektronnym varyjancie ŭ sistemie
e-konsulat .gov.pl.
— My razumiejem, što novy abaviazkovy paradak moža vyklikać ciažkaści ŭ niekatorych hramadzian, asabliva ŭ Biełarusi, dzie nie kožny maje volny dostup u internet, ale takim čynam rehistracyja na 100% stanovicca bolš dastupnaj, — kaža Hienieralny konsuł Respubliki Polšča ŭ Hrodnie Andžej Chadkievič.
U Hienkonsulstvie nie chavajuć, što zacikaŭlenyja ŭ publičnaści. U hetym vypadku ŭ hrodziencaŭ adpadaje nieabchodnaść źviartacca da działkoŭ, jakija kruhłasutačna siadziać online, stvarajuć sietki, adsočvajuć adkryćcio rehistracyi i pradajuć svaje pasłuhi.
— My nie chočam rabić z afarmleńnia vizaŭ łatareju, — kaža Andžej Chadkievič i nazyvaje dakładny čas: kožny aŭtorak paśla abiedu možna budzie zarehistravacca na tydzień napierad. Tak, naprykład, 27 vieraśnia buduć prapanavanyja terminy padačy ankiet u Hienkonsulstva ad 3 da 7 kastryčnika.
Ažyjataž pačaŭsia viasnoj, kali narod masava pajechaŭ za miažu pa aŭtamabili. I praciahnuŭsia, kali źjaviłasia mahčymaść atrymać šmatrazovuju šenhienskuju vizu, napisaŭšy metu pajezdki «pa pakupki».Popyt taki vialiki, što pajšli čutki: vizy z takoj metaj pierastali afarmlać naohuł. Adnak hetyja čutki abvierhli: meta «pa pakupki»
Kamientary