Rejtynhi vyviedzieny sa śpisa CreditWatch («rejtynhi na pierahladzie»), kudy jany byli źmieščany 27 maja ź niehatyŭnym prahnozam. Prahnoz pa rejtynhach — «Niehatyŭny». Acenka ryzyki pieravodu i kanviertacyi valuty dla biełaruskich niesuvierennych pazyčalnikaŭ panižana da «V-».
Rejtynh čakanaha ŭzroŭniu pakryćcia doŭhu paśla defołtu, raniej prysvojeny pryjarytetnym niezabiaśpiečanym abaviazacielstvam Biełarusi, zastaŭsia na ŭzroŭni «4», što adlustroŭvaje čakańni ahienctva 30–50% pakryćcia doŭhu ŭ vypadku defołtu pa kamiercyjnym doŭhu krainy. Acenka hruntujecca na scenaryi (nie bazavym), zhodna ź jakim mahčymy značnyja niehatyŭnyja tendencyi źniešniaha finansavańnia nie zmohuć kampiensavacca mierami ekanamičnaj palityki, ličać u Standard & Poor's.
Jak rastłumačyli ŭ ahienctvie, panižeńnie rejtynhaŭ Biełarusi abumoŭlena praciaham zaležnaści krainy ad źniešniaha finansavańnia z pryčyny vialikaha deficytu pa rachunku biahučych apieracyj i vielmi nizkaha ŭzroŭniu dastupnych reziervaŭ.
«U nas zastajucca vialikija sumnieńni nakont zdolnaści krainy zabiaśpiečyć takoje finansavańnie, i my ličym, što da hetaha momantu ŭrad Biełarusi pryniaŭ tolki abmiežavanyja miery pa ŭstaranieńni pryčyn źniešniaha dysbałansu. Heta akazała značny nacisk na aficyjny abmienny kurs, jaki my ličym zavyšanym, i pahoršyła stresavuju situacyju ŭ ekanomicy krainy. Akramia taho, śledam za źmianieńniami abmiennaha kursu sioleta značna vyrasła pazykovaja nahruzka ŭrada pa abaviazacielstvach u zamiežnaj valucie (u dačynieńni da VUP). Pavodle našych acenak, da kanca 2011 hoda jana pavialičycca amal u dva razy, heta značyć da ŭzroŭniu bolš jak 40% (biez uliku harantavanych abaviazacielstvaŭ)», — havorycca ŭ
Akramia taho, uzrovień rejtynhaŭ Biełarusi «abmiežavany palityčnymi ryzykami, a taksama dysbałansami ŭ źniešniaj, manietarnaj i biudžetnaj palitycy, jakija abumoŭleny palitykaj biudžetnaj i manietarnaj ekspansii, skiravanaj na padtrymańnie ŭnutranaha popytu». Razam z tym «pazityŭny ŭpłyŭ na rejtynhi Biełarusi akazvajuć adnosna vysoki pakazčyk VUP na dušu nasielnictva, značny abjom asnoŭnaha kapitału ŭ pramysłovaści i najaŭnaść vysokakvalifikavanaj rabočaj siły. Hetyja faktary zabiaśpiečvajuć uradu mahčymaści dla chutkaha reahavańnia ŭ vypadku, kali ŭźniknie nieabchodnaść va ŭstaranieńni makraekanamičnych dysbałansaŭ ci praviadzieńni mikraekanamičnych reformaŭ, skiravanych na raźvićcio pryvatnaha siektara», — ličać u ahienctvie.
U Standard & Poor's rastłumačyli, što suvierenny rejtynh pa abaviazacielstvach u nacyjanalnaj valucie pryraŭnavany da suvierennaha rejtynhu pa abaviazacielstvach u zamiežnaj valucie, pakolki manietarnaja palityka, pa sutnaści zaklikanaja padtrymlivać finansavuju hnutkaść suvierennaha ŭrada ŭ dačynieńni da ŭłasnaj valuty, u vypadku Biełarusi abmiežavana vysokaj inflacyjaj i nieraźvitaściu rynkaŭ kaštoŭnych papier. «Naša acenka ryzyki pieravodu i kanviertacyi valuty pryraŭnavana da doŭhaterminovaha rejtynhu pa doŭhu ŭ zamiežnaj valucie, pakolki adlustroŭvaje naša mierkavańnie ab tym, što vierahodnaść abmiežavańnia ŭradam dostupu da abmienu valuty, nieabchodnaj biełaruskim niesuvierennym pazyčalnikam dla absłuhoŭvańnia i pahašeńnia doŭhu, ekvivalentnaja vierahodnaści suvierennaha defołtu pa doŭhu ŭ zamiežnaj valucie. Pa miery ŭzmacnieńnia źniešniaj niestabilnaści ŭrad Biełarusi na praciahu hetaha hoda ŭvodziŭ abmiežavańni na kuplu/prodaž zamiežnaj valuty, u tym liku zabaronu na avansavańnie impartnych płaciažoŭ i padatak na kanviertacyju valuty, adznačajecca ŭ
Prahnoz «Niehatyŭny» adlustroŭvaje vierahodnaść panižeńnia rejtynhu krainy ŭ vypadku, kali pierśpiektyvy źniešniaha finansavańnia nie realizujucca ci jano budzie niedastatkovym va ŭmovach dalejšaha źnižeńnia kursu nacyjanalnaj valuty i stresavaj situacyi ŭ ekanomicy, u pryvatnaści značnaha adtoku srodkaŭ z bankaŭskich depazitaŭ.
«Kali Biełaruś zmoža palepšyć situacyju z čystymi mižnarodnymi reziervami — vierahodna, u vyniku reform, skiravanych na ŭmacavańnie kankurentazdolnaści, my zmožam padtrymlivać rejtynhi na biahučym uzroŭni. Miery, jakija skiravanyja na źnižeńnie inflacyjnaha nacisku, skaračeńnie deficytu pa rachunku biahučych apieracyj i spryjajuć stabilizacyi ekanomiki, mohuć pryvieści da pavyšeńnia rejtynhaŭ», — havorycca ŭ paviedamleńni.
Kamientary