«Biełaja Ruś» pakul nie vyznačyłasia z dataj pazačarhovaha źjezda
RHA «Biełaja Ruś» pakul nie vyznačyłasia z dataj pazačarhovaha źjezda, na jakim budzie razhladacca pytańnie pieraŭtvareńnia arhanizacyi ŭ palityčnuju partyju, paviedamiŭ namieśnik staršyni abjadnańnia, deputat Pałaty pradstaŭnikoŭ Alaksandr Šaćko.
Jon adznačyŭ, što 5 kastryčnika prajšło pasiadžeńnie respublikanskaha savieta «Biełaj Rusi», na jakim abmiarkoŭvalisia prajekty statuta i prahramy budučaj palityčnaj partyi. «Na pasiadžeńni ŭniesieny prapanovy ŭ dakumienty. Stvorana arhanizacyjnaja hrupa, jakaja budzie zajmacca ich dapracoŭkaj», — skazaŭ Šaćko.
Pavodle jaho słoŭ, adbudziecca jašče adno pasiadžeńnie respublikanskaha savieta hramadskaha abjadnańnia, na jakim, vierahodna, budzie pryniata rašeńnie pra datu źjezda.
«Ciapier u rehijonach prachodziać kanfierencyi z nahody pieraŭtvareńnia ŭ partyju. Jany buduć praciahvacca da 10 listapada», — paviedamiŭ pradstaŭnik abjadnańnia.
U vieraśni Šaćko zajaŭlaŭ, što pazačarhovy źjezd projdzie ŭ śniežni.
Pavodle sajta «Biełaj Rusi», na 1 vieraśnia 2011 hoda kolkaść členaŭ arhanizacyi skłała 2,1% pracazdolnaha nasielnictva Biełarusi, ci 123.297 čałaviek. Kolkaść piarvičnych arhanizacyj — 6.797.
Staršynioj RHA «Biełaja Ruś» źjaŭlajecca pieršy namieśnik kiraŭnika Administracyi prezidenta Alaksandr Radźkoŭ.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary